(ដូហា)៖ នេះជាការប្រកួតបញ្ចប់វគ្គចែកពូល D នៃជុំទី៣ ដែលមានក្រុមទុយនេស៊ី ប៉ះបារំាង និងអូស្ត្រាលី ប៉ះដាណឺម៉ាក ដណ្តើមយក ៣ពិន្ទុយ៉ាងសំខាន់ក្នុងការមានឱកាសឡើងទៅវគ្គ ១៦ក្រុមជាបន្តសម្រាប់ព្រឹត្តិការណ៍ FIFA World Cup 2022 ដែលការប្រកួតធ្វើឡើងដំណាល់គ្នានាម៉ោង ១០យប់ថ្ងៃទី៣០ ខែវិច្ឆិកា ឆ្នាំ២០២២។
គួរដឹងថា ក្រុមទុយនីស៊ី ប៉ះបារំាង និងត្រូវធ្វើឡើងនៅកីឡដ្ឋាន Education City Stadium នៅទីក្រុង Al Rayyan។
ក្រុមអូស្ត្រាលី ប៉ះដាណឺម៉ាក និងត្រូវធ្វើឡើងនៅកីឡដ្ឋាន Al Janoub Stadium ទីក្រុង Al Wakrah។
សូមបញ្ចាក់ថា ក្រុមទាំង៤ ដែលស្ថិតនៅក្នុងពូល D ត្រូវប្រកួតកាត់សេចក្តីក្នុងជុំទី៣ នេះ ដោយមានក្រុមបារំាង កក់កៅអីឡើងទៅវគ្គ ១៦ក្រុមមុនគេរួចជាសម្រេច ក្រោយរកបាន ៦ពិន្ទុហើយនេះជំនួបបង្គ្រប់កិច្ច, ខណៈក្រុមក្រុមអូស្ត្រាលី កំពុងរកបាន ៣ពិន្ទុ, ហើយក្រុមដាណឺម៉ាក មានត្រឹម ១ពិន្ទុស្មើគ្នាជាមួយក្រុមទុយនេស៊ី។