(ឡុងដ៍)៖ ក្លិបបាល់ទាត់ Chelsea បាននឹងកំពុងបន្តការពិភាក្សាគ្នាជាមួយក្លិប Benfica ស្តីពីការចុះកិច្ចសន្យានាំយកខ្សែបម្រើសញ្ជាតិអាហ្សង់ទីន Enzo Fernandez។ នេះបើយោងតាមសារព័ត៌មាន BBC ចេញផ្សាយនាថ្ងៃទី០៤ ខែមករា ឆ្នាំ២០២៣។

កីឡាករវ័យ ២១ឆ្នាំខាងលើនេះបានឈ្នះពានរង្វាន់ World Cup ដែលបានចូលរួមជាមួយក្លិបព័រទុយហ្គាល់ Benfica កាលពីខែសីហារូបនេះ ត្រូវបានដាក់តម្លៃផ្ទេរចេញប្រមាណ ១០៦លានផោន។

ការពិភាក្សាបាននឹងកំពុងធ្វើឡើង ស្តីពីទំហំនៃតម្លៃផ្ទេរ និងការរៀបចំកិច្ចសន្យា។

សូមជម្រាបថា តោខៀវ Chelsea កំពុងស្ថិតនៅចំណាត់ថ្នាក់ទី៨ ក្នុងតារាងលីគកំពូលអង់គ្លេស Premier League។ ពួកគេមិនទាន់មានជ័យជម្នះនោះទេ ក្នុងការប្រកួតក្រៅទឹកដីនៅ ​Premier League នៃការប្រកួត ៥លើកចុងក្រោយនេះ៕