(ភ្នំពេញ)៖ ស្រាបៀរម៉ាទ្រីដ របស់លោកស្រីឧកញ៉ា សុខ សុភាព អគ្គនាយិកាក្រុមហ៊ុនអ៉ិនធើ-ម៉ាទ្រីដ បេវើរីច ខេមបូឌា ត្រូវបានជ្រើសរើសសម្រាប់ពិធីជួបជុំសំណេះសំណាល និងអាហារសាមគ្គីជាមួយអ្នកសារព័ត៌មាន លើកទី៥ ចំនួនជិត ៥ពាន់នាក់ ក្រោមអធិបតីភាពសម្តេចតេជោ ហ៊ុន សែន នាយករដ្ឋមន្ត្រីកម្ពុជា កាលពីល្ងាចថ្ងៃទី១៤ ខែមករា ឆ្នាំ២០២៣។ ពិធីជួបជុំនេះ ជាជំនួបលើកទី៥ បន្ទាប់ពីអាក់ខានដោយសារកូវីដ-១៩ រយៈពេល ២ឆ្នាំកន្លងមក។
សម្តេចតេជោ បានចាត់ទុកជំនួបនេះជាកិច្ចប្រឹងប្រែងមួយដើម្បីរួមគ្នាធ្វើជាប្រយោជន៍ សម្រាប់សង្គមជាតិ។ ក្រោយពេលសម្តេចតេជោ មានមតិសំណេះសំណាលចប់ ក៏មានការទទួលទានអាហារសាមគ្គីរួមគ្នា ដោយបានរៀបចំម្ហូបអាហារ ភេសជ្ជៈមួយចំនួន និងស្រាបៀរតែមួយមុខគត់គឺស្រាបៀរ ម៉ាទ្រីដ។
ស្រាបៀម៉ាទ្រីដ ផលិតឡើងពីគ្រឿងផ្សំប្រកបដោយគុណភាពខ្ពស់ ជាមួយបច្ចេកវិទ្យាទំនើបចុងក្រោយបំផុតពីអឺរ៉ុប ផ្តល់នូវរសជាតិស្រាល ស្រទន់ ក្លិនក្រអូប ឈ្ងុយ ងាយស្រួលញ៉ាំ ទទួលបានភាពរីករាយ និងមិនឈឺក្បាល។ ក្រុមហ៊ុន បង្កើតឡើងដោយវិនិយោគិនខ្មែរ ១០០% ក្រោមទឹកប្រាក់ចំនួន ៧៨លានដុល្លារសហរដ្ឋអាមេរិក។ រោងចក្រ ត្រូវបានបំពាក់ដោយម៉ាស៉ីនផលិតស្រាបៀរបច្ចេកវិទ្យាទំនើបចុងក្រោយបំផុតពីអឺរ៉ុប និងបានទទួលស្គាល់ដោយវិទ្យាស្ថានស្តង់ដារលើផ្នែកគុណភាព និងអនាម័យទៅតាមកម្រិតស្តង់ដារ ISO 9001:2015 និង ISO 22000:2018 ។
សូមជម្រាបថា ពិធីផលិតស្រាបៀរដំបូង របស់ក្រុមហ៊ុនទើបបានប្រព្រឹត្តទៅកាលពីថ្ងៃទី២៨ ខែកក្កដា ឆ្នាំ២០២២ ក្រោមអធិបតីភាពលោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងទ័ពជើងគោក ដោយមានការចូលរួមជាភ្ញៀវកិត្តិយសពីសំណាក់ អ្នកឧកញ៉ា ឧកញ៉ា យ៉ាងអធិកអធមបំផុត៕
