(ភ្នំពេញ)៖ ការប្រកួតបាល់ទាត់ដណ្តើមពានរង្វាន់ Soccer League លេីកទី៦ ឆ្នាំ២០២៣ បានឈានចូលវគ្គ ៨ក្រុមចុងក្រោយហើយ ដោយមានគូពិសេសប៉ះគ្នារវាងក្រុម ស.ស.យ.ក ខណ្ឌពោធិ៍សែនជ័យ ត្រូវប៉ះ Khmer United នៅថ្ងៃចន្ទ ទី៣០ ខែមករា នាម៉ោង ៣៖៣០នាទីរសៀលនេះក្នុងទឹកនៃកីឡដ្ឋាន AIA។
គួររំលឹកផងថា ស.ស.យ.ក ខណ្ឌពោធិ៍សែនជ័យ កាលពីវគ្គ ១៦ក្រុមនោះបានយកឈ្នះគូប្រជែងយុវជន ស្រឡាញ់សន្តិភាពយ៉ាងចាស់ដៃដោយលទ្ធផល ៦ទល់១ ធ្វើឡើងនៅថ្ងៃទី២៥ ខែមករា គ្រាដែល Khmer United ក៏ដូចគ្នាបានយកឈ្នះក្រុម AVATAR FC ក្នុងលទ្ធផល ១ទល់០។
នៅថ្ងៃនេះដដែលក្រៅពី ស.ស.យ.ក ខណ្ឌពោធិ៍សែនជ័យ ប៉ះ Khmer United នៅមានមួយគូទៀតត្រូវប្រកួតផងដែរ រវាងក្រុមសម្ព័ន្ធយុវជនមុស្លឹីមកម្ពុជា ប៉ះក្រុមហនុមានអគ្គលេខាធិកាដ្ឋានក្រសួងការពារជាតិ នាកីឡដ្ឋាន AUPP SPORTS CLUB នាម៉ោង ៣៖៣០នាទីរសៀល៕