(បរទេស)៖ តារាចម្រៀងចាស់វស្សារធ្លាប់ល្បីល្បាញ Selena Gomez ត្រូវបានគេលើកហេតុផលនៅពីក្រោយមួយចំនួន ជុំវិញការអវត្តមានរបស់នាង ក្នុងកម្មវិធី Grammys ២០២៣ ខណៈនាងបានបាត់ខ្លួនគួរឱ្យកត់សម្គាល់ពីកម្មវិធីនេះ។ អវត្តមានរបស់នាងត្រូវបានអ្នកគាំទ្រដែលរង់ចាំមើល Gomez ជួបជុំមិត្តចាស់របស់នាង និងមិត្តរួមតន្ត្រី Taylor Swift ហាក់ខកចិត្ត និងមានចម្ងល់ជាខ្លាំង។ នេះបើតាមការចេញផ្សាយរបស់សារព័ត៌មាន International The News នៅថ្ងៃទី០៧ ខែកុម្ភៈ ឆ្នាំ២០២៣។
Selena Gomez ត្រូវបានគេដឹងថា ខកខានពីក្រសែភ្នែកទស្សនិកជនអស់រយៈពេលពីរបីឆ្នាំមកហើយ ដោយសារបញ្ហាសុខភាពផ្លូវចិត្ត។ លើសពីនេះ នាងក៏ត្រូវបានគេដឹងថា បានវះកាត់កាលពីឆ្នាំ២០១៧ផងដែរ។ ដោយសារតែមានបញ្ហានេះ តារាចម្រៀងរូបនេះបានចំណាយពេលយូរ ដើម្បីព្យាបាលជំងឺ និងត្រូវឃ្លាតឆ្ងាយពីទស្សនិកជន។ ទោះបីជាបន្ទាប់ ពីការចេញផ្សាយភាពយន្តឯកសារថ្មីៗនេះរបស់នាង «My Mind & Me» និងការវិលត្រឡប់របស់នាងទៅកាន់ប្រព័ន្ធផ្សព្វផ្សាយសង្គមក្តី អ្នកគាំទ្រសង្ឃឹមថាតារានឹងបង្ហាញខ្លួននៅក្នុងព្រឹត្តិការណ៍តន្ត្រីធំៗប្រចាំឆ្នាំ ក៏ប៉ុន្តែការរំពឹងរបស់អ្នកគាំទ្រ និងខកខានទៅវិញ។
ហេតុផលមួយ ក្នុងចំណោមហេតុផលជាច្រើនដែលតារារូបនេះខកខាន គឺទំនងជាមិនចូលរួមក្នុងព្រឹត្តិការណ៍នេះ គឺដោយសារតែនាងមិនមានការតែងតាំងដោយផ្ទាល់សម្រាប់ពានរង្វាន់ណាមួយនៅឆ្នាំនេះ។ ទោះបីជានាងបានចូលរួមក្នុងការតែងតាំងអាល់ប៊ុមប្រចាំឆ្នាំក៏ដោយ ប៉ុន្តែត្រូវបានបញ្ចូលក្នុងអាល់ប៊ុម «Music of Spheres» របស់ Coldplay បន្ទាប់ពីបានសហការគ្នាលើបទចម្រៀង «Let Somebody Go»៕