(បរទេស)៖ ប្រហែលជាមានទស្សនិកជនមិនតិចនោះទេ ដែលរង់ចាំទស្សនាខ្សែភាពយន្ត «John Wick: Chapter ៤» បន្ទាប់ពីវគ្គមុនបានកន្លងផុតទៅជាច្រើនឆ្នាំ។ វគ្គថ្មីកំពុងតែត្រៀមចាក់បញ្ចាំងក្នុងរោងកុន នៅពេលនេះស្រាប់តែមានសេចក្តីរាយការណ៍ថា ភាពយន្តដែលវែងជាងគេក្នុងខ្សែស្រឡាយភាពយន្ត JOHN WICK គឺរឿង «John Wick: Chapter ៤» នេះហើយ ត្បិតថាវាមានថេរវេលារហូតដល់ទៅ ២ម៉ោង និង៤៩នាទី។ នេះបើការចេញផ្សាយពីគេហទំព័រព័ត៌មាន CBR នៅថ្ងៃទី១៤ ខែកុម្ភៈ ឆ្នាំ២០២៣។

បើតាមគេហទំព័រ Collider បានបញ្ជាក់ថាខ្សែភាពយន្ត John Wick ចុងក្រោយបង្អស់របស់ Keanu Reeves នឹងមានរយៈពេល២ ម៉ោង និង៤៩ នាទី បូករួមទាំង Credits ដែលធ្វើឲ្យវាក្លាយជាខ្សែភាពយន្ត John Wick ដ៏វែងបំផុតរបស់ស៊េរីនេះ។

អ្នកដឹកនាំរឿង Chad Stahelski បានបញ្ជាក់ពីមុនថា «John Wick: Chapter 4» នឹងក្លាយជារឿងភាគ Wick ដ៏វែងបំផុតក្នុងខែសីហា ឆ្នាំ២០២២ ដោយនិយាយថា «វែងជាងរឿង៣ផ្សេងទៀត ប៉ុន្តែមិនយូរប៉ុន្មានទេ» ។ ព័ត៌មានពេលដំណើរការនេះធ្វើឡើង បន្ទាប់ពីមានការបង្ហាញពីផ្ទាំងផ្សាយអំពីការធ្វើឃាតដ៏ល្បីរបស់ Keanu Reeves នៅទីក្រុងប៉ារីស ដោយប៉ម Eiffel ដែលជាទីតាំងដែលតែងតែបង្ហាញនៅក្នុងឈុតខ្លីៗ ផ្លូវការរបស់ភាពយន្ត។ ការចេញផ្សាយផ្ទាំងរូបភាពនេះ ក៏បានបញ្ជាក់ផងដែរថា Trailer ចុងក្រោយសម្រាប់ John Wick: Chapter 4 នឹងចេញផ្សាយនៅថ្ងៃទី ១៦ ខែកុម្ភៈ ទោះបីជាមិនបានបញ្ជាក់ពីពេលវេលាក៏ដោយ។

គួរជម្រាបថា ភាពយន្ត «John Wick: Chapter 4» ត្រូវបានគេចុះផ្សាយថា មានថេរវេលាចុងក្រោយ ២ម៉ោង និង៤៩នាទី នេះ នឹងចាក់បញ្ចាំងនៅកម្ពុជាថ្ងៃទី ២៣ មិនា ឆ្នាំ២០២៣៕