(ភ្នំពេញ)៖ ក្រោយទទួលបានជោគជ័យ និងមានការគាំទ្រយ៉ាងច្រើនពីសំណាក់អតិថិជន លើការបើកដំណើរការ 85°C Bakery Cafe ក្នុងប្រទេសកម្ពុជា អស់រយៈពេលប្រមាណ៤ឆ្នាំកន្លងមកនេះជាមួយនឹងការបើកដំណើរការសាខាថ្មីជាបន្តបន្ទាប់ នាព្រឹកថ្ងៃទី១៨ ខែកុម្ភៈ ឆ្នាំ២០២៣នេះ 85°C Bakery Cafe បានបន្តបើកដំណើរការសាខាថ្មីមួយទៀតហើយ គឺ 85°C Bakery Cafe សាខា Picasso City Garden នៅម្តុំបឹងកេងកង។
ពិធីបើកដំណើរការសាខាថ្មី 85°C Bakery Cafe សាខា Picasso City Garden បានធ្វើឡើងក្រោមវត្តមានលោក HSU I CHEN អនុប្រធានហាង 85°C Bakery Cafe នៅក្នុងប្រទេសកម្ពុជា រួមទាំងមានការចូលរួមពីភ្ញៀវកិត្តិយសជាតិ និងអន្តរជាតិជាច្រើនរូបផងដែរ នៅ Picasso City Garden ។
ថ្លែងនាឱកាសនោះលោក HSU I CHEN បានឱ្យដឹងថា គិតចាប់ពីចូលមកដល់ក្នុងប្រទេសកម្ពុជាចាប់ពីឆ្នាំ២០១៩ មកដល់ពេលនេះ 85°C Bakery Cafe បានទទួលការគាំទ្រយ៉ាងច្រេីនពីសំណាក់អតិថិជន ជាមួយនឹងការពង្រីកសាខាបានចំនួន៣ សាខាជាបន្ទាប់រួមមាន៖ សាខាទី១ នៅផ្លូវ មន្នីវង្ស បានបេីកនៅខែមិថុនា ឆ្នាំ២០១៩, សាខាទី២ 85°C Bakery Cafe សាខាមីតដោន បេីកនៅខែធ្នូ ឆ្នាំ២០១៩ និងសាខាទី៣ គឺ 85°C Bakery Cafe សាខា Picasso City Garden នៅម្តុំបឹងកេងកង ដែលបានបេីកនៅថ្ងៃទី១៨ ខែកុម្ភៈ ឆ្នាំ២០២៣នេះហេីយ 85°C Bakery Cafe នឹងបន្តបេីកសាខាទី៤ នៅក្នុងមិនា ឆ្នាំ២០២៣ខាងមុខនេះ នៅតាមបណ្តោយផ្លូវជាតិលេខ១ផងដែរ។
ជាមួយគ្នានោះលោក HSU I CHEN ក៏បានថ្លែងអរគុណដល់អតិថិជនទាំងអស់ ដែលតែងតែគាំទ្រហាង 85°C Bakery Cafe និងសំណូមពរឱ្យអតិថិជនបន្តគាំទ្រហាង85°C Bakery Cafe គ្រប់សាខាទាំងអស់ឱ្យបានកាន់តែច្រេីនបន្ថែមទៀតផងដែរ។
សូមជម្រាបដែរថា 85°C Bakery Cafe គឺជាហាងដែលមានប្រភពដេីមនៅប្រទេសតៃវ៉ាន់ ដែលជាហាងមានលក់កាហ្វេ តែ និងនំខេក ព្រមទាំងបង្អែម ទឹកផ្លែឈើ វត្ថុអនុស្សាវរីយ៍ និងផលិតផលនំប៉័ង។ គិតមកដល់ពេលនេះហាង 85°C Bakery Cafe មានសាខាចំនួន 1000នៅទូទាំងពិភពលោកផងដែរ៕