(កូរ៉េ)៖ អាចនិយាយបានថា ជាជោគជ័យថ្មីមួយបន្ថែមទៀត របស់តារាស្រី Jisoo សមាជិក BLACKPINK ដោយបានបង្កើតកំណត់ត្រាថ្មី ក្លាយជាតារាទោលតែមួយរូបគត់របស់ K-POP ដែលមានអាល់ប៊ុមទទួលបានការកុម្មង់ (Preorder) លើស 100K បន្ទះលេីវ៉េបសាយ Ktown4u ក្នុងរយៈពេល ២៤ម៉ោងដំបូង។ នេះបើតាមការចេញផ្សាយរបស់សារព័ត៌មាន All -KPOP នៅថ្ងៃទី០៧ ខែមីនា ឆ្នាំ២០២៣។
កំពូលតារាស្រីក្នុងវិស័យ K-POP រូបនេះ បានបង្កើតកំណត់ត្រាដូចខាងក្រោមនៅលើ KTown4U ក្នុងរយៈពេលត្រឹមតែជាង ៨ម៉ោងនៃការតាមដានរហូតមកដល់ពេលនេះ៖
១៖ ជាតារាទោល Kpop ដំបូងគេដែលមានការលក់មុន ១០០,០០០បន្ទះ ក្នុងរយៈពេល ២៤ ម៉ោងដំបូងក្នុងប្រវត្តិសាស្ត្រ KTown4U។
២៖ ជាតារាស្រីទោលក្នុង Kpop ដំបូងគេដែលមានការលក់មុន ១០០,០០០បន្ទះ ក្នុងរយៈពេល ២៤ ម៉ោងដំបូងក្នុងប្រវត្តិសាស្ត្រ KTown4U។
៣៖ អាល់ប៊ុមដំបូងដែលចេញដំបូងដោយតារាទោល ដែលមានការលក់មុនលើសពី ១០០,០០០បន្ទះ ក្នុងរយៈពេល ២៤ ម៉ោងដំបូងក្នុងប្រវត្តិសាស្ត្រ KTown4U។
៤៖ ជាតារា Kpop ទីបី ទទួលបានការលក់មុន ១០០,០០០បន្ទះ ក្នុងរយៈពេល ២៤ ម៉ោងដំបូងក្នុងប្រវត្តិសាស្ត្រ KTown4U (នៅពីក្រោយតែ BLACKPINK និង NCT 127)។
៥៖ ជាតារាស្រី Kpop ទី២ ទទួលបានការលក់មុន ១០០,០០០បន្ទះ ក្នុងប្រវត្តិសាស្ត្រ KTown4U (នៅពីក្រោយតែ BLACKPINK)៕