(អាមេរិក)៖ យោងតាមរបាយការណ៍មួយបានឲ្យដឹងថា តារាសម្តែង Keanu Reeves រកចំណូលបានយ៉ាងច្រើនពីខ្សែភាពយន្ត «The Matrix» របស់លោកជាងតារាសម្តែងណាទាំងអស់ ពីសិទ្ធិផ្តាច់មុខនៃភាពយន្តនេះ។ ប្រការនេះបានធ្វើឲ្យ Keanu Reeves បានយកឈ្នះលើ Tom Cruise និង Robert Downey Jr. ក្នុងការរកប្រាក់ចំណូល។ នេះបើតាមការចេញផ្សាយរបស់សារព័ត៌មាន International the News នៅថ្ងៃទី១១ ខែមីនា ឆ្នាំ២០២៣។
Keanu Reeves បានយកឈ្នះលើភាពយន្តដូចជា Tom Cruise ក្នុងរឿង Mission Impossible និង Robert Downey Jr ក្នុងរឿង Avengers ក្លាយជាតារាករកចំណូលបានច្រើនជាងគេ។ យោងតាមកាសែត Daily Mail រឿង The Matrix ប្រមូលបាន ១៧១.៤លានដុល្លារក្នុងស្រុក និង ៤៦៦.៦លានដុល្លារទូទាំងពិភពលោក ក្នុងអំឡុងពេលដំណើរការចាក់បញ្ចាំង។
រាយការណ៍ដោយ LadBible ពីបញ្ជីនៃឈ្មោះតារាសម្ដែងដែលបានទទួល ៣០លានដុល្លារ ឬច្រើនជាងនេះ បានបង្ហាញថា Reeves អាយុ ៥៨ឆ្នាំបានទទួលប្រាក់យ៉ាងច្រើនពី ១៥៦លានដុល្លារពីរឿង The Matrix។ ទន្ទឹមនឹងនេះ ជាបន្តបន្ទាប់គឺ Bruce Willis, Tom Cruise, និង Will Smith ដែលត្រូវបានគេរាយការណ៍ថារកបាន ១០០លានដុល្លារ ក្នុងប្រាក់ចំណូលពីខ្សែភាពយន្តផ្ទាល់ខ្លួន របស់ពួកគេ៕
