(ភ្នំពេញ)៖ កីឡាករប្រដាល់គុនខ្មែរ ធីអាហ្គូ (Thiago) នឹងទៅទទួលលិខិតផ្លូវការសញ្ជាតិខ្មែរ នៅសួនកម្សាន្តជេតស៍ហ្គាឌិនផាកវិហារសួគ៌, ហើយនៅថ្ងៃជាមួយគ្នានោះ សម្រាប់បងប្អូនដែលតែងតែគោរពស្រលាញ់ និងគាំទ្រក៏អាចមកថតរូបជាមួយគាត់ផ្ទាល់បានដោយឥតកំណត់ចាប់ពីម៉ោង ១១ព្រឹកដល់ម៉ោង ១រសៀលតទៅ, នៅថ្ងៃទី១៤ ខែមេសា ឆ្នាំ២០២៣។

រំលឹកផងថា ព្រះករុណា ព្រះបាទសម្ដេច ព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា ទ្រង់បានចេញព្រះរាជក្រឹត្យត្រាស់បង្គាប់ ផ្តល់សញ្ជាតិខ្មែរ ដោយសញ្ជាតូបនីយកម្មជាចង្កោមគ្រួសារដល់លោកគ្រួសារកីឡាករជនជាតិប្រេស៉ីល លោក ធីអាហ្គូ តេយសឺរ៉ា ម៉ាឆាដូ។
បើតាមព្រះរាជក្រឹត្យដែលបណ្ដាញព័ត៌មាន Fresh News ទទួលបាននៅយប់ថ្ងៃទី១១ ខែមេសា ឆ្នាំ២០២៣នេះ បានឱ្យដឹងថា សមាជិកកីឡាកររូបនេះរួមមាន៖
ទី១៖ លោក ធីអាហ្គូ តេយសឺរ៉ ម៉ាឆាដូ (THIAGO TEIXEIRA MACHADO) ជនជាតិប្រេស៊ីល សញ្ជាតិប្រេស៊ីល កើតថ្ងៃទី២៨ ខែកក្កដា ឆ្នាំ១៩៨៨ នៅរដ្ឋ Sao Pauko សាធារណរដ្ឋសហព័ន្ធប្រេស៊ីល (ជាប្តី)។
ទី២៖ លោកស្រី រ៉ូម៉ា ម៉ារៀ រ៉ហ្សានស្កា ស្តេហ្វហ្វន (ROMA MARIA ROZANSKA-STEFFEN) ជនជាតិប៉ូឡូញ សញ្ជាតិអាមេរិក កើតថ្ងៃទី២១ ខែមេសា ឆ្នាំ១៩៨៣ នៅសាធារណរដ្ឋប៉ូឡូញ (ជាប្រពន្ធ)៕