(សៀមរាប)៖ រដ្ឋបាលខេត្តសៀមរាប នាព្រឹកថ្ងៃទី៣ ខែឧសភា ឆ្នាំ២០២៣ បានដឹកនាំ និងសម្របសម្រួលដោយលោកស្រី ម៉ននី រង្សី អភិបាលរងខេត្តតំណាងលោក ទៀ សីហា អភិបាលនៃគណៈអភិបាលខេត្ត ទទួលព្រះអគ្គិជ័យកីឡាពីរដ្ឋបាលខេត្តបន្ទាយមានជ័យ និងបានធ្វើពិធីដង្ហែមកកាន់ក្រុងសៀមរាប ខេត្តសៀមរាប។
ជាមួយនឹងការដង្ហែព្រះអគ្គិជ័យកីឡានេះ មានសិស្សានុសិស្ស និងបងប្អូនប្រជាពលរដ្ឋចូលរួមយ៉ាងច្រើនកុះករ ដោយឈរអមសងខាងផ្លូវ ព្រមទាំងអបអរសាទរយ៉ាងអធិកអធម ក្នុងការទទួលព្រះអគ្គិជឪយកីឡានេះ។
នារសៀលនេះក៏មានពិធីប្រគល់-ទទួលព្រះអគ្គិជ័យកីឡាជូនទៅលោក ទៀ សីហា អភិបាលខេត្ត ដែលរៀបចំនៅសួនច្បារខាងជើងស្ពានថ្មព្រះរាជដំណាក់ខេត្តសៀមរាប ព្រមទាំងដង្ហែទៅរក្សាទុកនៅវ្តរាជបូណ៌ លុះព្រឹកឡើងដង្ហែចេញទៅកាន់ខេត្តកំពង់ធំ៕
