(ភ្នំពេញ)៖ ដើម្បីជួយលើកកម្ពស់សុខភាពប្រជាជនកម្ពុជា SGMC (Singapore Medical Concierge Cambodia) មានការិយាល័យនៅអាគារ Flatiron ជាន់ផ្ទាល់ដី ស្ថិតនៅបឹងកក់ រាជធានីភ្នំពេញ បានរៀបចំសិក្ខាសាលាមួយឡើង ពិភាក្សាអំពីសុខភាព ផ្តោតលើប្រធានបទសំខាន់គឺ «របៀបការពារការបាត់បង់ជីវិតភ្លាមៗ» ដែលមានវេជ្ជបណ្ឌិតឯកទេសជំងឺបេះដូងដ៏ល្បីម្នាក់មកពីប្រទេសសិង្ហបុរី លោកវេជ្ជបណ្ឌិត Michael Lim ជាវាគ្មិនកិត្តិយស។

ការបង្កើតឱ្យមានពិភាក្សាពិសេសអំពីសុខភាពនេះឡើង ដោយភាពជាដៃគូសហការជាមួយមជ្ឈមណ្ឌលវេជ្ជសាស្ត្រ Royal Healthcare Medical Center នៅប្រទេសសិង្ហបុរី ដែលមានលោកវេជ្ជបណ្ឌិត Michael Lim ទីប្រឹក្សាជាន់ខ្ពស់ គ្រូពេទ្យ និងគ្រូពេទ្យឯកទេសជំងឺបេះដូងដ៏ល្បីល្បាញ ដែលប្រព្រឹត្ដទៅកាលពីចុងសប្ដាហ៍ នៅ Citadines-Flation។

Singapore Medical Concierge (Cambodia) ដែលជាការិយាល័យតំណាងនៃមជ្ឈមណ្ឌលថែទាំសុខភាពឈានមុខគេ បានប្តេជ្ញាផ្តល់សេវាវេជ្ជសាស្រ្ដដ៏ទូលំទូលាយ បានចូលរួមជាមួយមជ្ឈមណ្ឌលវេជ្ជសាស្ត្រ Royal Healthcare ដ៏មានកិត្យានុភាព ដើម្បីរៀបចំកិច្ចពិភាក្សាអំពីសុខភាព ដោយលោកវេជ្ជបណ្ឌិត Michael Lim ដែលជាគ្រូពេទ្យឯកទេសជំងឺបេះដូងដ៏ល្បីល្បាញ ជាមួយនឹងជំនាញយ៉ាងទូលំទូលាយនៃសុខភាពសរសៃឈាមបេះដូង។

វេជ្ជបណ្ឌិត Michael Lim ដែលធ្លាប់មានភាពល្បីល្បាញអំពីការរួមចំណែកដ៏ពិសេសរបស់គាត់ចំពោះវិស័យជំងឺបេះដូង បានធ្វើឱ្យទស្សនិកជនចាប់អារម្មណ៍ជាមួយនឹងការយល់ដឹងយ៉ាងជ្រាលជ្រៅរបស់គាត់ ស្តីពី «ការការពារការស្លាប់ភ្លាមៗ»។ ជាមួយនឹងចំណេះដឹងដ៏ច្រើន និងបទពិសោធន៍ជាច្រើនឆ្នាំរបស់គាត់ វេជ្ជបណ្ឌិត Lim បានបង្ហាញពីសារៈសំខាន់នៃការទទួលស្គាល់សញ្ញាព្រមាន និងអនុវត្តវិធានការបង្ការ ដើម្បីការពារពីឃាតករលាក់មុខដ៏ស្ងៀមស្ងាត់មួយនេះ។

សិក្ខាសាលានេះបានទាក់ទាញអ្នកថែទាំសុខភាព អ្នកជំនាញក្នុងវិស័យឧស្សាហកម្ម និងភ្ញៀវកិត្តិយសជាច្រើនផ្សេងទៀតជាង 40នាក់ បានផ្តល់ជាវេទិកាដ៏មានតម្លៃសម្រាប់អ្នកជំនាញវេជ្ជសាស្រ្ត និងអ្នកចូលរួមក្នុងការពិភាក្សាដ៏ស៊ីជម្រៅ ផ្លាស់ប្តូរគំនិត និងទទួលបានចំណេះដឹងដោយផ្ទាល់លើការធានារ៉ាប់រងផ្នែកវេជ្ជសាស្រ្តពី CB Insurance ដែលជាដៃគូដ៏គួរឱ្យគោរពនៃព្រឹត្តិការណ៍នេះផងដែរ។

លើសពីនេះ ភ្ញៀវត្រូវបានទទួលនូវអាហារសម្រន់ឆ្ងាញ់ៗដែលជួយដល់សុខភាពបេះដូង ដោយមានការចូលរួមគាំទ្រពីក្រុមហ៊ុនល្បីៗដូចជា Sunny Coco និង Kamya Artisan Food ។ ភាពរីករាយនៃអាហារទាំងនេះបង្ហាញពីទំនាក់ទំនងរវាងអាហារូបត្ថម្ភ និងសុខភាពបេះដូង ដោយបញ្ជាក់ពីសារៈសំខាន់នៃការទទួលយករបបអាហារ ដែលមានតុល្យភាពល្អសម្រាប់សុខុមាលភាពសរសៃឈាមបេះដូងល្អបំផុត។

ក្នុងបទបង្ហាញរបស់លោកវេជ្ជបណ្ឌិត Lim បានសង្កត់ធ្ងន់លើការពិតដ៏គួរឱ្យព្រួយបារម្ភ ដែលថាការស្លាប់ភ្លាមៗកើតឡើងដោយមិនមានរោគសញ្ញាជាមុនណាមួយឡើយ ដែលជាបញ្ហាប្រឈម នឹងទាមទារឱ្យមានការយល់ដឹងអំពីកត្តាហានិភ័យទាំងនេះ។

លោកវេជ្ជបណ្ឌិតបានគូសបញ្ជាក់ថា «សូម្បីតែបុគ្គលដែលមិនមានប្រវត្ដិនៃការឈឺទ្រូង ឬសញ្ញាព្រមាន ក៏អាចក្លាយជាជនរងគ្រោះនៃការគាំងបេះដូងភ្លាមៗផងដែរ ដូច្នេះ សូមប្រជាពលរដ្ឋទាំងអស់តោងប្រយ័ត្នលើចំណុចទាំងនេះ និងការពារស្វែងយល់ចំណុចអាទិភាពដល់សុខភាពបេះដូង»។

ដោយទាញការយកចិត្តទុកដាក់ចំពោះបញ្ហាជំងឺសរសៃឈាមបេះដូង (CVD) ដែលកំពុងរីករាលដាលនៅក្នុងប្រទេសកម្ពុជា លោកវេជ្ជបណ្ឌិត Lim បានសង្កត់ធ្ងន់លើតម្រូវការសម្រាប់ការគ្រប់គ្រង និងការថែទាំបង្ការឱ្យកាន់តែប្រសើរឡើង។ CVDs បន្តជាមូលហេតុនាំមុខគេនៃការស្លាប់នៅក្នុងប្រទេស ជាមួយនឹងកត្តាហានិភ័យដូចជាជំងឺលើសឈាមដែលមិនអាចគ្រប់គ្រងបាន អត្រានៃការជក់បារីខ្ពស់ និងជំងឺទឹកនោមផ្អែម ដែលមិនបានព្យាបាល បង្កបញ្ហាប្រឈមយ៉ាងសំខាន់។ ការបង្ហាញនៅពេលនេះ បានដើរតួរនាទីជាការអំពាវនាវឱ្យមានភាពច្បាស់លាស់ ដើម្បីបង្កើនការយល់ដឹងអំពីសុខភាព លើកទឹកចិត្តឱ្យមានការធ្វើរោគវិនិច្ឆ័យទាន់ពេលវេលា និងលើកកម្ពស់របៀបរស់នៅប្រកបដោយសុខភាពល្អ ដើម្បីប្រយុទ្ធប្រឆាំងនឹងកង្វល់សុខភាពសាធារណៈដ៏ធ្ងន់ធ្ងរនេះ។

ក្នុងនាមជាកម្លាំងត្រួសត្រាយផ្លូវក្នុងឧស្សាហកម្មថែទាំសុខភាព Singapore Medical Concierge Cambodia មានគោលបំណងបិទគម្លាតរវាងសេវាថែទាំសុខភាពលំដាប់ពិភពលោករបស់ប្រទេសសិង្ហបុរី និងតម្រូវការដែលកំពុងកើនឡើងរបស់កម្ពុជា សម្រាប់ការថែទាំវេជ្ជសាស្រ្តគុណភាពខ្ពស់។ ជាមួយនឹងការប្តេជ្ញាចិត្តរបស់ខ្លួន ក្នុងការលើកកម្ពស់ការយល់ដឹងអំពីសុខភាព និងការផ្តល់ជូននូវសេវាកម្មសុខភាព និងសោភ័ណភាពដ៏ទូលំទូលាយ ការិយាល័យតំណាងនេះ បានបង្កើតខ្លួនជាដៃគូ ដែលអាចទុកចិត្តបានសម្រាប់បុគ្គលដែលស្វែងរកដំណោះស្រាយថែទាំសុខភាពកម្រិតខ្ពស់។

ឥឡូវនេះអតិថិជនទាំងអស់ អាចអញ្ជើញទៅកាន់ការិយាល័យខាងលើនេះ នៅជាន់ផ្ទាល់ដីនៃសណ្ឋាគារ Flatiron Citadines កក់កញ្ចប់ពិនិត្យសុខភាព ជាមួយនឹងក្រុមការងារដ៏រួសរាយរាក់ទាក់ នឹងសេវាកម្មបន្ថែមជាច្រើនទៀតដោយឥតគិតថ្លៃ ខណៈដែលទទួលបានការពិនិត្យរបស់ពួកគេនៅមជ្ឈមណ្ឌលវេជ្ជសាស្ត្រ Royal Healthcare ។

Michelle Lim ដែលជាប្រធានផ្នែកប្រតិបត្តិការនៅមជ្ឈមណ្ឌលវេជ្ជសាស្ត្រ Royal Healthcare បានប្រារព្ធពិធីនេះ ដោយបានស្វាគមន៍យ៉ាងកក់ក្តៅចំពោះអតីតអ្នកជំងឺ និងបង្ហាញពីការយកចិត្តទុកដាក់របស់គាត់ក្នុងការលើកកម្ពស់សុខុមាលភាពរបស់សហគមន៍។ ដោយឆ្លុះបញ្ចាំងពីកំណត់ត្រាជោគជ័យរបស់មជ្ឈមណ្ឌល ក្នុងការបម្រើអ្នកជំងឺជាង 600នាក់មកពីប្រទេសកម្ពុជា
លោកស្រីបានសង្កត់ធ្ងន់លើសារៈសំខាន់នៃការផ្តល់អាទិភាពដល់ការការពារសុខភាព និងធ្វើជាគំរូសម្រាប់សមាជិកគ្រួសារក្នុងការទទួលយករបៀបរស់នៅដែលមានសុខភាពល្អ។

ការពិភាក្សាអំពីសុខភាព ដែលរៀបចំឡើងដោយ Singapore Medical Concierge Cambodia បានផ្តល់ការយល់ដឹងដ៏មានតម្លៃ ជំរុញកិច្ចសហប្រតិបត្តិការក្នុងចំណោមអ្នកជំនាញថែទាំសុខភាព និងបានបំផុសគំនិតអ្នកចូលរួមឱ្យចាត់វិធានការយ៉ាងសកម្មឆ្ពោះទៅរកសុខភាពបេះដូងកាន់តែប្រសើរឡើង។ តាមរយៈព្រឹត្តិការណ៍បែបនេះ ការិយាល័យតំណាងបន្តជំរុញឱ្យមានការទទួលយកការថែទាំបង្ការ កែលម្អលទ្ធភាពទទួលបានសេវាថែទាំសុខភាពប្រកបដោយគុណភាព និងជាអ្នកនាំមុខគេនៃបុព្វហេតុសុខុមាលភាពនៅកម្ពុជា។

Singapore Medical Concierge Cambodia ជាការិយាល័យតំណាងមជ្ឈមណ្ឌលថែទាំសុខភាពឈានមុខគេ ដោយបានសហការជាមួយមន្ទីរពេទ្យដ៏ល្បីប្រចាំនៅសិង្ហបុរី ដែលជាមជ្ឈមណ្ឌលឯកទេស ពហុជំនាញ ធំជាងគេមួយក្នុងបណ្តាមជ្ឈមណ្ឌលវេជ្ជសាស្រ្តនានា នៅក្នុងប្រទេសសិង្ហបុរី ជាមួយនឹងអ្នកឯកទេសដែលពោរពេញទៅដោយបទពិសោធន៍ និងទេពកោសល្យ ដ៏ប៉ិនប្រសប់ ជាពិសេសមានឧបករណ៍បច្ចេកវិជ្ជាវេជ្ជសាស្ត្រចុងក្រោយបំផុតក្នុងអាស៊ី ដើម្បីផ្តល់ជូននូវសេវាថែទាំសុខភាព ដែលល្អបំផុតជូនដល់អ្នកជំងឺ។

ដើម្បីទទួលបានសេវាសុខភាពពហុជំនាញដ៏ល្អឥតខ្ចោះ ធានាបាននូវគុណភាព និងប្រសិទ្ធភាពខ្ពស់ តម្លៃសមរម្យបំផុតជាមួយកញ្ចប់ពិនិត្យសុខភាពដ៏ពិសេសគ្មានពីរនៅកម្ពុជា យ៉ាងរហ័សទាន់ចិត្ដទៅកាន់ប្រទេសសិង្ហបុរី សូមអញ្ជើញមកាន់ការិយាល័យនៅកម្ពុជា Singapore Medical Concierge Cambodia ផ្តល់សេវាថែទាំសុខភាពលំដាប់ពិភពលោក និងអាចទុកចិត្តបានក្នុងប្រទេសសិង្ហបុរី៕

សូមទស្សនាលម្អិតបន្ថែមនូវសេវាកម្មផ្តល់សុខភាពរបស់ Singapore Medical Concierge Cambodia៖ https://www.facebook.com/singaporemedicalconciergecambodia/videos/550263016971734 (https://www.facebook.com/singaporemedicalconciergecambodia/videos/550263016971734)