(បន្ទាយមានជ័យ)៖ នៅព្រឹកថ្ងៃទី៦ ខែមេសា ឆ្នាំ២០២៤ ក្រុមបាល់ទាត់មហាជនខេត្តបន្ទាយមានជ័យ ដឹកនាំដោយលោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត បានប្រកួតជាមួយ VIP អង្គរសៀមរាប។
ការប្រកួតពានរង្វាន់បាល់ទាត់មិត្តភាព អាយុ៣៥ឆ្នាំឡើងនេះ គឺខេត្តបន្ទាយមានជ័យ ធ្វើជាម្ចាស់ផ្ទះដែលរៀបចំឡើងដោយលោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត នៅតារាងបាល់ទាត់ស្មៅសប្បនិមិត្ត HAPPY SPORT ស្ថិតក្នុងភូមិក្បាលស្ពាន សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ។
ការប្រកួតនេះមានការចូលរួមពីក្រុមកីឡាចំនួន៣ក្រុម គឺក្រុមកីឡាមកពីររាជធានីភ្នំពេញ សៀមរាប និងប៉ៃលិន ដើម្បីលើកស្ទួយវិស័យកីឡា ឱ្យរីកចម្រើនក្រោមម្លប់សន្តិភាព។
ជាលទ្ធផល នៃការប្រកួត, ក្រុមហាជនខេត្តបន្ទាយមានជ័យដែលជាម្ចាស់ផ្ទះឈ្មោះ ក្រុម VIPអង្គរសៀមរាប 3-0 ដូច្នេះក្រុមកីឡាដែលជាម្ចាស់ផ្ទះ និងឆ្លងទៅវគ្គផ្ដាច់ព្រ័ត្រយកលេខ១ និង២ នារសៀលថ្ងៃដដែលនេះផងដែរ៕
