(ម៉ាទ្រីដ)៖ Garbine Muguruza ដែលជាអតីតកីឡាការិនីតេន្នីស លំដាប់លេខ១ ពិភពលោក សញ្ជាតិអេស្ប៉ាញ និងជាអតីតម្ចាស់ពានរង្វាន់ជើងឯក Wimbledon និង French Open បានប្រកាសពីការចូលនិវត្តន៍របស់នាង ក្នុងសន្និសីទសារព័ត៌មានកាលពីថ្ងៃសៅរ៍។ នេះបើយោងតាមសារព័ត៌មាន CNA ចេញផ្សាយនៅថ្ងៃទី២១ ខែមេសា ឆ្នាំ២០២៤។
«ខ្ញុំបានរកឃើញអ្វីដែលខ្ញុំចង់ធ្វើបំផុត សម្រាប់ជំពូកបន្ទាប់នៃជីវិតរបស់ខ្ញុំ ដោយវាមិនមានជាជំពូក នៃការលេងតេន្នីសនោះទេ»។ កីឡាការិនី Muguruza បានប្រាប់ក្នុងសន្និសីទសារព័ត៌មានក្នុងទីក្រុង Madrid។
សូមរំលឹកថា Muguruza វ័យ ៣០ឆ្នាំ បានឈរនៅចំណាត់ថ្នាក់លេខ១ ក្នុងឆ្នាំ២០១៧ ហើយបានជាប់ចំណាត់ថ្នាក់ទី៣ នៅចុងឆ្នាំ២០២១ នៅពេលដែលនាងបានឈ្នះពានរង្វាន់ WTA ចំនួន ៣លើក៕