(ឡុងដ៍)៖ ខ្សែការពារកណ្តាលញញួរធំ West Ham United កីឡាករ Angelo Ogbonna បានចាកចេញពីក្លិប បន្ទាប់ពីរួមរស់បាន ៩ឆ្នាំ ជាមួយក្លិបដែលមានមូលដ្ឋាននៅភាគខាងកើតទីក្រុង London។ នេះបើយោងតាមក្លិបលេងនៅលីគ Premier League ហើយត្រូវបានសារព័ត៌មាន CNA ចេញផ្សាយនៅថ្ងៃទី០៦ ខែមិថុនា ឆ្នាំ២០២៤។
កីឡាករអន្តរជាតិអ៉ីតាលី វ័យ ៣៦ឆ្នាំរូបនេះ បានបង្ហាញខ្លួន ២០១លើកនៅ Premier League សម្រាប់ក្លិប និងជាផ្នែកមួយនៃក្លិប ដែលបានឈ្នះពានរង្វាន់ Europa Conference League កាលពីរដូវកាលមុនដែរ។
អតីតកីឡាករក្លិប Juventus រូបនេះ បានជួបការលំបាក ជាមួយនឹងបញ្ហារបួសជាច្រើនលើក នៅអំឡុងពេលលេងនៅ West Ham ក្នុងនោះរួមទាំងបញ្ហាដាច់សរសៃចងជង្គង់ (ACL) ផងដែរ ដែលបានកើតឡើងកាលពីឆ្នាំ២០២១ ធ្វើឱ្យរូបលោកអវត្តមានពីការប្រកួតជិត ១ឆ្នាំ៕