(បរទេស)៖ ក្រុមហ៊ុនតៃវ៉ាន់ Foxconn ដែលជាក្រុមហ៊ុនផលិតគ្រឿងអេឡិចត្រូនិកកិច្ចសន្យាដ៏ធំបំផុតរបស់ពិភពលោក និងជាអ្នកដំឡើង iPhone ចម្បងរបស់ Apple បានរាយការណ៍ថា ប្រាក់ចំណូលសម្រាប់ខែឧសភារបស់ខ្លួនបានកើនឡើង ២២.១ភាគរយ ដែលជាកំណត់ត្រាខ្ពស់បំផុត។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuteres នៅថ្ងៃទី០៥ ខែមិថុនា ឆ្នាំ២០២៤។

នៅក្នុងសេចក្តីថ្លែងការណ៍មួយ ក្រុមហ៊ុន Foxconn បានសម្តែងសុទិដ្ឋិនិយមទាក់ទងនឹងត្រីមាសទី២ ដោយរំពឹងថានឹងមានកំណើនពីមួយត្រីមាសទៅមួយត្រីមាស និងពីមួយឆ្នាំទៅមួយឆ្នាំ។ កំណើននេះ ត្រូវបានសន្មត់ថាជាតម្រូវការដ៏រឹងមាំ «ដោយសារតែតម្រូវការខ្ពស់ជាងការរំពឹងទុកពីម៉ាស៊ីមេ AI ការមើលឃើញបច្ចុប្បន្នសម្រាប់ត្រីមាសទីពីរត្រូវបានគេរំពឹងថា នឹងលើសពីការរំពឹងទុក»។

តែយ៉ាងណា សេចក្តីថ្លែងការណ៍នោះមិនបានបញ្ជាក់លម្អិតទេ ហើយក្រុមហ៊ុនក៏មិនបានផ្តល់តួលេខច្បាស់លាស់គិតជាសាច់ប្រាក់នោះដែរ៕