(បារាំង)៖ អភិបាលក្រុង Marseille មានក្រើនរំលឹកទៅកាន់ក្លិប Olympique de Marseille កុំឱ្យមានការចុះកិច្ចសន្យានាំយកកីឡាករសញ្ជាតិអង់គ្លេស Mason Greenwood ដ្បិតក្លិបមានការចូលរួមដេញថ្លៃជាមួយក្លិប Manchester United ។
ប្រភពពី BBC បានឱ្យដឹងនាថ្ងៃទី១០ ខែកក្កដានេះ ក្លិបបាល់ទាត់នៃលីគបារាំង Marseille មានការផ្តល់ជូនក្នុងដេញថ្លៃប្រមាណ ២៧លានផោន ក្នុងការទទួលយកខ្សែប្រយុទ្ធមានវ័យ ២២ឆ្នាំ Greenwood ដែលរូបគេធ្លាប់បានចេញទៅលេងក្នុងលក្ខខណ្ឌខ្ចីជើងនៅក្លិបអេស្ប៉ាញ Getafe នារដូវកាល២០២៣-២៤ ដ្បិតកំពុងនៅសល់ ១ឆ្នាំទៀតក្នុងកិច្ចសន្យាជាមួយបិសាក្រហម។
ខណៈអភិបាលក្រុង លោក Benoit Payan បានប្រាប់វិទ្យុបារាំង RMC ថា លោកនឹងស្មើសុំប្រធានក្លិប Marseille លោក Pablo Longoria កុំឱ្យចុះកិច្ចសន្យានាំយកកីឡាករ Greenwood ដោយលោកបានលើកឡើងថា «ខ្ញុំមិនចង់ឱ្យក្លិបរបស់ខ្ញុំ ត្រូវបានគ្របដណ្តប់នៅរឿងភាពអាម៉ាស់នោះទេ វាមិនអាចទទួលយកបានទេ» ។
រំលឹកផងថា កាលពីខែសីហា ក្លិប Man United បានលើកឡើងបន្ទាប់ពីការស៊ើបអង្កេតផ្ទៃក្នុងថា «មានការយល់ព្រមគ្នាទៅវិញទៅមក» ហើយកីឡាករ Greenwood គួរតែបន្តអាជីពរបស់គាត់ នៅឱ្យឆ្ងាយពី Old Trafford ខណៈថ្មីៗនេះ រូបគេក៏មានកិច្ចប្រជុំខ្លីមួយ ហើយថ្នាក់ដឹកនាំក្លិបបិសាចក្រហមបានប្រាប់ថា ចំពោះខ្សែប្រយុទ្ធរូបនេះ ពួកគេបានកំពុងស្វែងរកជម្រើសក្នុងការលក់ចេញនារដូវក្តៅនេះ ៕