(បរទេស)៖ ក្រុមហ៊ុនបញ្ញាសិប្បនិម្មិត AI ដែលមានឈ្មោះថា xAI របស់កំពូលមហាសេដ្ឋី Elon Musk ត្រូវបានគេរាយការណ៍មកថា បានបញ្ចប់ការពិភាក្សាលើកិច្ចព្រមព្រៀងតម្លៃ ១០ពាន់លានដុល្លារ សម្រាប់ការប្រើប្រាស់ម៉ាស៊ីនមេ (Server) ជាមួយក្រុមហ៊ុនបច្ចេកវិទ្យាយក្ស Oracle។ នេះបើយោងតាមការចេញផ្សាយដោយសារព័ត៌មាន Reuters នៅថ្ងៃទី១០ ខែកក្កដា ឆ្នាំ២០២៤។
យោងតាមប្រភពជាច្រើនបានរាយការណ៍មកថា ក្រុមហ៊ុនបញ្ញាសិប្បនិម្មិត AI ថ្មីមួយនេះ បានបញ្ចប់ការពិភាក្សាជាមួយ Oracle ក្នុងការប្រើប្រាស់ម៉ាស៊ីន ខណៈបច្ចុប្បន្នកំពុងសហការជាមួយនឹងក្រុមហ៊ុនផលិតឈីប AI លំដាប់ខ្នាត់យក្សគឺ Nvidia។
លោក Elon Musk ធ្លាប់បានបង្ហោះសារនៅលើបណ្ដាញសង្គម X ថា ការបង្កើតមជ្ឈមណ្ឌលទិន្នន័យសម្រាប់ប្រើប្រាស់ AI គឺជារឿងសំខាន់បំផុត ក្នុងនោះគឺត្រូវជ្រើសរើសក្រុមហ៊ុនដែលផ្ដល់សេវាកម្មផលិតឈីប និងម៉ាស៊ីនមេដែលពោរពេញដោយបទពិសោធន៍ និងថាមពល។
យោងតាមសម្ដីនេះហើយ សបញ្ជាក់ឱ្យឃើញថា xAI គឺបានជ្រើសរើស Nvidia ដែលជាបិតាផលិតឈីបសម្រាប់ AI និង Oracle ដែលជាកំពូលក្រុមហ៊ុនបច្ចេកវិទ្យាលំដាប់យក្សក្នុងការផ្ដល់សេវាកម្ម Servers៕
https://www.reuters.com/technology/artificial-intelligence/oracle-musks-xais-10-bln-server-deal-talks-lapse-information-reports-2024-07-09/