(អោកបឺក)៖ ក្លិបអាល្លឺម៉ង់ VfB Stuttgart បានចុះហត្ថលេខាជាមួយខ្សែប្រយុទ្ធបូស្នៀ និងក្លិប Augsburg កីឡាករ Ermedin Demirovic លើកិច្ចសន្យារយៈពេល ៤ឆ្នាំ។ នេះបើយោងតាមក្លិបទាំងពីរ ដែលលេងនៅ Bundesliga ហើយត្រូវបានចុះផ្សាយដោយសារព័ត៌មាន CNA នៅថ្ងៃទី១៧ ខែកក្កដា ឆ្នាំ២០២៤។
ស្របពេលដែលព័ត៌មានលម្អិតហិរញ្ញវត្ថុ មិនត្រូវបានបង្ហាញនោះ សារព័ត៌មាន Sky Sports Deutschland បានរាយការណ៍ថា កិច្ចសន្យានេះ មានតម្លៃ ២១លានអឺរ៉ូ (២២.៨៨លានដុល្លារ) បូករួមនឹងប្រាក់លើកទឹកចិត្តបន្ថែម បានធ្វើឱ្យរូបលោក ក្លាយជាកីឡាករដែលទិញថ្លៃជាងគេបំផុតរបស់ក្លិប Stuttgart។
អតីតប្រធានក្រុម Augsburg រូបនេះ រកបាន ១៥គ្រាប់ និងជួយឱ្យរកគ្រាប់បាល់បាន ៩គ្រាប់ ក្នុងការបង្ហាញខ្លួន ៣៣លើកក្នុងលីគ Bundesliga កាលពីរដូវកាលមុន។
កីឡាករវ័យ ២៦ឆ្នាំរូបនេះបានបង្ហាញខ្លួន ១២៤លើក ក្នុងលីគកំពូលអាល្លឺម៉ង់ រកគ្រាប់បាល់បានសរុប ៣០គ្រាប់ និងបោះបាល់បាន ២២គ្រាប់៕