(ឡុងដ៍)៖ Aston Villa បានចុះហត្ថលេខាជាមួយខ្សែបម្រើ Amadou Onana មកពីក្លិប Everton ក្នុងកិច្ចព្រមព្រៀងតម្លៃ ៥០លានផោន។ នេះបើយោងតាមសារព័ត៌មាន BBC ចេញផ្សាយនៅថ្ងៃទី២៣ ខែកក្កដា ឆ្នាំ២០២៤។
កីឡាករវ័យ ២២ឆ្នាំរូបនេះ បានលេងគ្រប់នាទីនៃយុទ្ធនាការ Euro 2024 របស់ក្រុមជម្រើសជាតិបែលហ្ស៊ិក ហើយឥឡូវនេះ មានឱកាសបង្ហាញខ្លួនឱ្យក្លិប Villa ក្នុងលីគ Champions League នារដូវកាលក្រោយ។
Onana បានចូលរួមជាមួយក្លិប Everton ក្រោយផ្លាស់មកពី Lille តម្លៃ ៣៣លានផោន ក្នុងឆ្នាំ២០២២ និងបានបង្ហាញខ្លួន ៧២លើក សម្រាប់ Everton ដោយរកបាន ៤គ្រាប់ដែរ។
សូមជម្រាបថា Onana ក៏ធ្លាប់មានព័ត៌មានផ្លាស់ទៅលេងនៅក្លិប Arsenal ក្នុងឆ្នាំ២០២៣ ផងដែរ តែក្រោយមកក៏ស្ងាត់ទៅវិញ៕