(ឡុងដ៍)៖ អ្នកចាំទី Aaron Ramsdale បានព្រមព្រៀងក្នុងការចុះហត្ថលេខាជាមួយក្លិប Southampton លើកិច្ចសន្យារយៈពេល ៤ឆ្នាំ ដែលផ្ទេរពីក្លិប Arsenal ។ នេះបើតាមការបញ្ជាក់ពីក្លិបទាំងពីរ ដែលលេងនៅលីគ Premier League ហើយត្រូវបានចុះផ្សាយដោយសារព័ត៌មាន Reuters នៅថ្ងៃទី៣១ ខែសីហា ឆ្នាំ២០២៤។

ព័ត៌មានលម្អិតស្តីពីហិរញ្ញវត្ថុនៃការផ្ទេរនេះ មិនត្រូវបានបង្ហាញនោះទេ, ប៉ុន្តែប្រព័ន្ធផ្សព្វផ្សាយអង់គ្លេស បានរាយការណ៍ថា កិច្ចសន្យានេះមានតម្លៃប្រមាណ ២៥លានផោន (៣២.៩៥លានដុល្លារ) ចំពោះអ្នកចាំទីដែលធ្លាប់ទទួលបានការកោះហៅ ៥លើកជាមួយជម្រើសជាតិឈុតធំអង់គ្លេសរូបនេះ ។

Ramsdale មានវ័យ ២៦ឆ្នាំ ការបន្តទៅចូលរួមជាមួយក្លិប Southampton បន្ទាប់ពីបានបង្ហាញខ្លួនសរុប ៨៩លើក សម្រាប់ក្លិប Arsenal ក្នុងរយៈពេល ៣រដូវកាលកន្លងទៅ ដ្បិតនៅរដូវកាលមុន បានទទួលឱកាសចូលចាប់តែ ១១លើកប៉ុណ្ណោះ បន្ទាប់ការទៅដល់របស់អ្នកចាំទី David Raya ៕

ការទៅដល់ក្លិប Southampton អ្នកចាំទី Aaron Ramsdale ក៏ត្រូវប្រជែងជម្រើសដំបូងជាមួយអ្នកចាំទីរួមសញ្ជាតិ Alex McCarthy និង Gavin Bazunu ក្រោមការដឹកនាំដោយលោក Russell Martin ៕