(ភ្នំពេញ)៖ ក្រុមហ៊ុន United Auto Co.,Ltd ដែលជាក្រុមហ៊ុនដែលទទួលបានសិទ្ធិចែកចាយផ្តាច់មុខនូវរថយន្ត Chevrolet នៅប្រទេសកម្ពុជា នាថ្ងៃទី៣០ ខែសីហា ឆ្នាំ២០២៤ បានប្រកាសបើកសម្ពោធ និងដាក់លក់ជាផ្លូវការរថយន្ត Chevrolet Captiva ស៊េរីឆ្នាំ២០២៥ ដែលជាប្រភេទរថយន្ត SUV ៧កៅអី បំពាក់ទៅដោយបច្ចេកវិទ្យាទំនើប ផាសុកភាព និងការរចនាផ្នែកខាងក្នុងដ៏ប្រណិតសម្រាប់អតិថិជន។

រថយន្តស៊េរីទំនើប SUV មួយគ្រឿងនេះឌីស្សាញឡើងដោយភាពល្អិតល្អន់ផ្តោតសំខាន់លើការពង្រីកវិសាលភាពសុវត្ថិភាពលើដងផ្លូវ ផ្តល់ជម្រើសចម្រុះសម្រាប់អ្នកប្រើប្រាស់ និងបង្កើនបទពិសោធន៍នៃការបើកបរ។

នវានុវត្តន៍ក្នុងវិស័យឧស្សាហកម្មរថយន្ត៖ រថយន្ត Chevrolet Captivaស៊េរីឆ្នាំ២០២៥ បាននាំយកនូវបច្ចេកវិទ្យា និងការរចនាបែបទាន់សម័យ ដែលបង្ហាញពីការបេ្តជ្ញាចិត្តរបស់ក្រុមហ៊ុន Chevrolet ចំពោះការ​រីកចម្រើនលើបច្ចេកវិទ្យា និងនវានុវត្តន៍។ គ្រប់ផ្នែកនៃរថយន្តCaptivaស៊េរីថ្មីនេះ ត្រូវបានរចនាឡើងដោយផ្ចិតផ្ចត់ គិតគូរលើតម្រូវការប្រចាំថ្ងៃរបស់អ្នកប្រើប្រាស់ មិនថាលោកអ្នកត្រូវធ្វើដំណើរទៅធ្វើការ លំហែកាយ ឬធ្វើដំណើរផ្សងព្រេងទៅគ្រប់ទីកន្លែងជាមួយមិត្តភក្តិ និងគ្រួសារ បើទោះបីជាធ្វើដំណើរជាមួយសមាជិក ៧នាក់ក៏ដោយ រថយន្តនេះនៅតែអាចផ្ទុកសម្ភារនិងឥវ៉ាន់ផ្សេងៗបានយ៉ាងងាយ។

ការរចនាបែបអនាគតជាមួយនឹងចង្កៀងមុខគុជប្រភេទ LED និងយ៉ាន់កង់ទំហំ ១៨អ៊ីញអាលុយមីញ៉ូម ២ពណ៌ផ្តល់នូវភាពទាក់ទាញ ព្រមទាំងមានប្រព័ន្ធវាស់សម្ពាធកង់ TPMS។ កៅអីអ្នកបើកបរដេរ​ដោយស្បែកខ្មៅ អូតូបាន ៦កម្រិត ដែលរក្សាផាសុកភាពខ្ពស់សម្រាប់អ្នកបើក និងអ្នករួមដំណើរ។ រថយន្តអាមេរិក Captiva មានបំពាក់កាមេរ៉ា 360ដឺក្រេ ដំបូលបើកធំទូលាយ (Panoramic Sunroof) និងអេក្រង់កំសាន្តថាច់ស្រ្គីនថ្មីបញ្ឈទំហំ 10.4Inc មានមុខងារ Apple CarPlay & Andriod Auto អាចមើល Map ឬភ្ជាប់Bluetoothបាន ។ Chevrolet Captiva បំពាក់ដោយបច្ចេកវិទ្យាគ្រប់មុខ (Full Option) ជាមួយផ្នែកខាងក្នុងធំទូលាយសាកសមសម្រាប់ការធ្វើដំណើរទាំងជិត និងឆ្ងាយ។

ពង្រឹងសុវត្ថិភាពលើដងផ្លូវនៅកម្ពុជា៖ សុវត្ថិភាពជាអាទិភាពដំបូងគេរបស់រថយន្ត Chevrolet Captiva ស៊េរីឆ្នាំ២០២៥នេះ បានមានបំពាក់មកជាមួយ, ប្រព័ន្ធហ្វ្រាំង ABS, ប្រព័ន្ធបែងចែកហ្វ្រាំងអេឡិចត្រូនិច EBD, ប្រព័ន្ធទប់លំនឹង TCS, ប្រព័ន្ធទប់មិនឱ្យរអិលថយក្រោយពេលឡើងចំណោត , ប្រព័ន្ធជំនួយហ្វ្រាំងស្លន់ PBA, ប្រព័ន្ធការពារពេលផ្លូវកោង ESC, និងហ្វ្រាំងប្រភេទឌីសទាំង៤។ ប្រព័ន្ធសុវត្ថិភាពទាំងនេះ​បំពាក់ឡើង​ក្នុងគោលបំណងកាត់បន្ថយគ្រោះថ្នាក់ និងធានាបាននូវបទពិសោធន៍នៃការបើកបរប្រកបដោយសុវត្ថិភាព។ ពិសេសរថយន្តនេះមានសមត្ថភាពខ្ពស់ ដែលដំណើរការដោយម៉ាស៊ីន 1.5L Turbo និងកម្លាំងរមួល២៥៥Nm អាចបង្កើតកម្លាំងរហូត150hp ដែលផ្តល់នូវការបើកបរយ៉ាងរលូន ស្ទុះ និងប្រកបដោយថាមពល។

សូមបញ្ជាក់ថា ក្រុមហ៊ុន Chevrolet ជាម៉ាកយីហោរថយន្តអាមេរិកដ៏ធំបំផុតមួយនៅលើពិភពលោក ត្រូវបានបង្កើតឡើងក្នុងឆ្នាំ១៩១១ នៅទីក្រុង Detroit និងបានឈរជើង១១៣ឆ្នាំមកហើយ គិតមកដល់ឆ្នាំ២០២៤នេះ។ សម្រាប់ព័ត៌មានបន្ថែម អាចនៅការិយាល័យលក់៖ អគារ #115 មហាវិថីសហព័ន្ធរុស្សី សង្កាត់ទឹកថ្លា ខណ្ឌសែនសុខ ក្រុងភ្នំពេញ៕