(ភ្នំពេញ)៖ NEO GO-KART បានរៀបចំកម្មវិធីប្រគល់ពានរង្វាន់ នៃការប្រកួតប្រណាំងឡាន INDOOR GO-KART ធំដំបូងគេបង្អស់នៅកម្ពុជា «NEO INDOOR GO-KART CHAMPIONSHIOP BY EXPREZ» កាលពីថ្ងៃទី២៧ ខែតុលា ឆ្នាំ២០២៤ កន្លងទៅនេះ។

ការប្រកួតនេះ ជាការប្រកួតខ្នាតធំមិនធ្លាប់មាននៅកម្ពុជា ដែលមានកីឡាករចូលរួមប្រកួតរហូតទៅដល់ ៩៦នាក់ ឆ្លងកាត់វគ្គជម្រុះចំនួន២ថ្ងៃ គឺថ្ងៃទី ១៩-២០ ខែតុលា មកដល់លំដាប់កំពូលទាំង ១២នាក់ ប្រកួតយកជើងឯកប្រណាំងឡាន INDOOR GO-KART ដំបូងគេប្រចាំ NEO GO-KART ឈានទៅរកប្រាក់រង្វាន់ ១,៨០០ដុល្លារសហអាមេរិក ពានរង្វាន់ Limited Editions និងការជិះឧទ្ធម្ភាគចក្រជុំវិញទីក្រុងភ្នំពេញ។

ជាមួយគ្នានេះ យើងក៏បានរកឃើញនូវកំពូលជើងឯកនៃការប្រកួតទាំង ៣រូប (STONEAGE, WANG MING, NO HESI) សម្រាប់ការប្រគល់ពានរង្វាន់។ បន្ថែមពីនេះកីឡាករដែលបានឈានមកកាន់វគ្គ ពាក់កណ្តាលផ្តាច់ព្រ័ត្រ និងផ្តាច់ព្រ័ត្រ ក៏ទទួលបានមេដាយកិត្តិយស ក្នុងការចូលរួមប្រកួតផងដែរ។ ព្រឹត្តិការណ៍ប្រកួតប្រណាំងឡាន INDOOR GO-KART ធំដំបូងគេបង្អស់នៅកម្ពុជា ក៏សូមថ្លែងអំណរគុណទៅកាន់ដៃគូសហការនៃការប្រកួត ដែលមានការចូលរួមសហការឧបត្ថម្តធំដោយ ភេសជ្ជៈ EXPREZ និងរួមសហការឧបត្ថម្តដោយ ក្រុមហ៊ុន Samsung, ធនាគារ ជីប ម៉ុង, ភេសជ្ជៈប៉ូវកម្លាំង Vikingz និងសោមាខេក។

គួរកត់សម្គាល់ថា NEO GO-KART ជាកន្លែងកម្សាន្ត GO-KART បែប INDOOR ដំបូងគេនៅកម្ពុជា ដែលផ្តល់ជូនអតិថិជនទាំងអស់ នូវបទពិសោធន៍ផ្ទាល់ខ្លួន អារម្មណ៍រំភើបប្លែក និងការប្រកួតប្រជែងកម្សាន្តជាក្រុម ជាមួយមិត្តភក្តិ និងក្រុមគ្រួសារបែបឯកជន។ សម្រាប់ព័ត៌មានបន្ថែម សូមទំនាក់ទំនងទៅកាន់លេខទូរស័ព្ទ ០៨៧ ៩១១ ២១១/០៨៥ ៦០៩ ៦៤៤ ឬចូលទៅកាន់ផេកហ្វេសបុក Neo Go-Kart ឬ អាចមកកាន់ទីតាំងផ្ទាល់ NEO GO-KART នៅឯផ្សារទំនើប ជីប ម៉ុង ២៧១ មេហ្គា ម៉ល, ជាន់ទី៣៕