(អ៉ីតាលី)៖ លោក Claudio Ranieri បច្ចុប្បន្នកំពុងតែសម្រាកពីការងារគ្រូបង្វឹកបាល់ទាត់ ហើយការចូលនិវត្តន៍នេះអាចមានរយៈពេលខ្លី បន្ទាប់ពីបុរសសញ្ជាតិអ៉ីតាលីរូបនេះបានលើកឡើងកាលពីថ្ងៃព្រហស្បតិ៍ថា នឹងពិចារណានៅការវិលត្រលប់មកវិញ ប្រសិនបើជាការផ្តល់ការងារនៅក្រុមជម្រើសជាតិ ។
រំលឹកផងថា នៅមុនពេលសម្រេចចិត្តចូលវិត្តន៍ពីអាជីពគ្រូបង្វឹកបាល់ទាត់លោក Claudio Ranieri ធ្លាប់បានដឹកនាំក្រុមតែមួយប៉ុណ្ណោះ គឺក្រុមជម្រើសជាតិក្រិក នៅឆ្នាំ២០១៤ ក្នុងចំណោមការងារគ្រូបង្វឹកដែលលោកធ្លាប់ដឹកនាំក្លិបអាជីបជាច្រើនផងដែរ ។
បរុសវ័យ ៧៣ឆ្នាំ Claudio Ranieri បានចូលនិវត្តន៍កាលពីខែឧសភា ឆ្នាំ២០២៤ នាមជាគ្រូបង្វឹកមានឈ្មោះល្បីល្បាញម្នាក់ បានដឹកនាំក្រុម Leicester City ឈ្នះពានលីគអង់គ្លេស Premier League រដូវកាល២០១៦ និងជាអតីតគ្រូងបង្វឹកក្លិបធំៗ មានដូចជា Chelsea, Juventus, Atletico Madrid, Inter Milan និងដឹកនាំក្រុម AS Monaco ឈ្នះពានលីគទី២ រដូវកាល២០១២-១៣ ៕
