(ភ្នំពេញ)៖ ព្រឹត្តិការណ៍ប្រគំតន្រ្តីទេសចរណ៍ខ្នាតយក្ស Cambodia Bonding Concert របស់ក្រុមហ៊ុនខ្មែរ ប៊ែវើរីជីស សហការជាមួយផលិតកម្មដ៏ធំ Galaxy Navatra បានធ្វើដំណើរមកដល់ខេត្តបាត់ដំបងហើយ នៅថ្ងៃទី១៤,១៥ និង១៦ខែវិច្ឆិកា ឆ្នាំ២០២៤ ដើម្បីអបរអរសាទរថ្ងៃឈប់សម្រាកពិធីបុណ្យអុំទូក អកអំបុក និងសំពះព្រះខែ។ ការប្រគំតន្ត្រីខ្នាតយក្សមួយនេះ នឹងនាំយកតារាចម្រៀងប្រចាំប្រទេសជាច្រើនដួង មកអង្រួនឆាក បង្កើតទស្សនីយភាពដ៏អស្ចារ្យ បម្រើអារម្មណ៍ពុកម៉ែបងប្អូន អាចចូលរួមទទួលយកភាសប្បាយរីករាយ និងរាំលេងកម្សាន្ត ជាមួយនឹងចង្វាក់ភ្លេងគ្រប់ស្ទាយ៍ ព្រមទាំងបានជួបជាមួយអាយដលជាច្រើនដួងផងដែរ។

ការប្រគំតន្រ្តីនឹងចាប់ផ្ដើមនៅថ្ងៃទី១៤,១៥ និង១៦ ខែវិច្ឆិកា ឆ្នាំ២០២៤នេះ ដែលមានទីតាំងនៅកីឡដ្ឋានវាលបែកចាន (ខេត្តបាត់ដំបង) ភូមិបែកចាន សង្កាត់រតនៈ ក្រុងបាត់ដំបង ចាប់ពីម៉ោង ៨យប់ដល់ម៉ោង១១យប់។

តារាចម្រៀងដែលនឹងសម្តែងរួមមានដូចជា លោក ព្រាប សុវត្ថិ, លោក ខេមរៈ សិរីមន្ត, លោក ខេម, លោក ខាន់ ជេមស៍, លោក គូម៉ា Tempo Tris, លោក សុវត្ថិ សិរីវុឌ្ឍ, លោក វង្ស ថាណាន់, កញ្ញា អ៊ុក សុវណ្ណារី, លោក K-LA, ក្រុម YAL, កញ្ញា អេមមី, លោក ពូ, លោក រ៉ុន គឹមសន, កញ្ញា ឡុង លក្ខិណា និងកញ្ញា NANA។

ក្រៅពីការប្រគំតន្ត្រីរបស់តារាចម្រៀង ដែលបានរៀបរាប់ខាងលើ ក៏មានអមមកជាមួយការសម្ដែង Show ពិសេសៗ ដើម្បីបង្កើនភាពសប្បាយរីករាយ នៅលើឆាកតន្រ្តីដ៏ធំសម្បើម បច្ចេកទេស Sound ទំនើបចុងក្រោយ និងភ្លើងចម្រុះពណ៌ដ៏អស្ចារ្យ ដែលមិនធ្លាប់មានពីមុនមកក្នុងព្រឹត្តិការណ៍ដ៏អស្ចារ្យនេះ ហើយបងប្អូនអាចចូលរួមទស្សនាកម្សាន្តបានដោយសេរី៕