(ភ្នំពេញ)៖ ព្រឹត្តិការណ៍ប្រគំតន្រ្តីប្រចាំប្រទេស Exprez Tour Concert របស់ក្រុមហ៊ុនខ្មែរ ប៊ែវើរីជីស សហការជាមួយផលិតកម្ម Galaxy Navatra បានធ្វើដំណើរមកដល់ខេត្តកំពត នៅក្នុងឱកាសព្រះរាជពិធីបុណ្យអុំទូក ដោយការប្រគំតន្ត្រីខ្នាតយក្សមួយនេះ នឹងនាំយកនូវតារាចម្រៀងល្បីៗប្រចាំប្រទេសជាច្រើនដួង មកអង្រួនឆាក បង្កើតទស្សនីយភាពដ៏អស្ចារ្យ បម្រើអារម្មណ៍ពុកម៉ែបងប្អូន អាចចូលរួមទទួលយកភាពសប្បាយរីករាយ និងរាំលេងកម្សាន្ត ជាមួយនឹងចង្វាក់ភ្លេងគ្រប់ស្ទាយ ព្រមទាំងបានជួបជាមួយអាយដលជាច្រើនដួងផងដែរ។

ការប្រគំតន្រ្តីនឹងចាប់ផ្ដើមនៅថ្ងៃទី១៤,១៥ និង១៦ ខែវិច្ឆិកា ឆ្នាំ២០២៤នេះ ដែលមានទីតាំងស្ថិតនៅកីឡាដ្ឋាន ភូមិ១ឧសភា សង្កាត់កំពង់កណ្ដាល ខេត្តកំពត (រង្វង់មូលធុរេន) ចាប់ពីម៉ោង៧យប់ ដល់ម៉ោង១១យប់។

វត្តមានតារាចម្រៀងជាច្រើនរូបមានដូចជា តារាចម្រៀងប្រចាំប្រទេស លោក ព្រាប សុវត្ថិ, លោក ខេមរៈ សិរីមន្ត, លោក ខេម, កញ្ញា តន់ ចន្ទសីម៉ា, លោក ខាន់ ជេមស៍, លោក គូម៉ា Tempo Tris, លោក សុវត្ថិ មុនីវណ្ណ, លោក សុវត្ថិ សិរីវុឌ្ឍ, លោក ជុំ លីណូ, លោក Nak Fake, អ្នកនាង ខាត់ សួស្តី, កញ្ញា ហ៊ិន លីដា, លោក រាជ ប្រាថ្នា, លោក Vikit, លោក បូ តាំងហៀង និងកញ្ញា Thyda Davika។

ក្រៅពីការប្រគំតន្ត្រី របស់តារាចម្រៀងដែលបានរៀបរាប់ខាងលើ ក៏មានអមមកជាមួយការសម្ដែង Show ពិសេសៗ ដើម្បីបង្កើនភាពសប្បាយរីករាយ នៅលើឆាកតន្រ្តីដ៏ធំសម្បើម បច្ចេកទេស Sound ទំនើបចុងក្រោយ និងភ្លើងចម្រុះពណ៌ដ៏អស្ចារ្យដែលមិនធ្លាប់មានពីមុន។ ព្រឹត្តិការណ៍ដ៏អស្ចារ្យនេះ បងប្អូនអាចចូលរួមដោយសេរី៕

https://www.facebook.com/share/v/1ZCxLzs73w/?