(ភ្នំពេញ)៖ ព្រឹត្តិការណ៍ប្រគំតន្រ្តី Ganzberg Premium Idol Tour Concert សហការជាមួយផលិតកម្ម Galaxy Navatra បានធ្វើដំណើរមកដល់ខេត្តបន្ទាយមានជ័យ ហើយនៅសប្ដាហ៍នេះ ដោយការប្រគំតន្ត្រីដ៏ធំសម្បើមមួយនេះ នឹងនាំយកតារាចម្រៀងល្បីប្រចាំប្រទេសជាច្រើនដួង មកអង្រួនឆាក បង្កើតទស្សនីយភាពដ៏អស្ចារ្យ បម្រើអារម្មណ៍ពុកម៉ែបងប្អូន អាចចូលរួមទទួលយកភាពសប្បាយរីករាយ និងរាំលេងកម្សាន្ត ជាមួយនឹងចង្វាក់ភ្លេងគ្រប់ស្ទាយ៍ ព្រមទាំងបានជួបជាមួយអាយដលជាច្រើនដួងផងដែរ។

ការប្រគំតន្រ្តីនឹងចាប់ផ្ដើមនៅថ្ងៃទី២២ ដល់២៣ ខែវិច្ឆិកា ឆ្នាំ២០២៤ នេះ ដែលមានទីតាំងនៅបុរី The Park City ក្រុងប៉ោយប៉ែត ខេត្តបន្ទាយមានជ័យ ចាប់ពីម៉ោង ០៦៖០០នាទីល្ងាចតទៅ។ 

តារាចម្រៀងដែលនឹងចូលរួមសម្តែងមានដូចជាលោក ខេមរៈ សិរីមន្ត, លោក ខេម , លោក គូម៉ា លោក Tempo Tris, អ្នកនាង ខាត់ សួស្តី, លោក K-LA លោក រាជ ប្រាថ្នា, លោក KingChi, លោក ងួន សុបិន, Dj KAKA, កញ្ញា NANA, កញ្ញា Thyda Davika និងក្រុមកំប្លែងនាយក្រឹម និងតារាកំប្លែងជាច្រើនដួង។

ក្រៅពីការប្រគំតន្ត្រី របស់តារាចម្រៀង ដែលបានរៀបរាប់ខាងលើក៏មានអមមកជាមួយការសម្ដែង show ពិសេសៗ ដើម្បីបង្កើនភាពសប្បាយរីករាយ នៅលើឆាកតន្រ្តីដ៏ធំសម្បើម បច្ចេកទេស Sound ទំនើបចុងក្រោយ និងភ្លើងចម្រុះពណ៌ដ៏អស្ចារ្យ ដែលមិនធ្លាប់មានពីមុន។ ព្រឹត្តិការណ៍ដ៏អស្ចារ្យនេះ បងប្អូនអាចចូលរួមដោយសេរី៕