(ប៊ូតុន)៖ កីឡាករស្នូកឃើ Mark Williams ដណ្តើមបានជើងឯកពាន Champion of Champions 2024 ជាលើកដំបូង បន្ទាប់ពីយកឈ្នះគូប្រជែង Xiao Guodong របស់ចិនរួចមកនាយប់មិញនេះ។

ពីគេហទំព័រកីឡា BBC បានចេញផ្សាយថា ការប្រកួតដែលត្រូវបានធ្វើឡើងនៅទីលានស្ថិតក្នុងទីក្រុង Bolton ប្រទេសអង់គ្លេស កីឡាកររបស់វ៉េល វ័យ ៤៩ឆ្នាំរូបនេះ វាយបានពិន្ទុខ្ពស់បំផុតដល់ទៅ ១៤០ពិន្ទុនៃកម្មវិធីនេះកាលប្រកួតទល់នឹង Kyren Wilson។

ក្នុងប្រកួតផ្តាច់ព្រ័ត្រនៅរាត្រីថ្ងៃអាទិត្យនោះដែរ Williams បានបើកការនាំមុខ ៥សិតដំបូង (frames) ជាមួយនឹងពិន្ទុឈ្នះ ១០៤ ៦២ ៨០ ៩៥ និង ៦៧ មុនពេលត្រូវបាន Xiao វាយបកឈ្នះ ៤សិតវិញជាប់ៗគ្នា។

យ៉ាងណាក៏ដោយ ការចាញ់ប្រកួតដណ្តើមពាននេះក្រោមថ្វីដៃរបស់អតីតម្ចាស់ជើងឯកពិភពលោក ៣សម័យ Mark Williams ក៏ពិតមែន ប៉ុន្តែ Xiao ពោរពេញទៅដោយមោទនកភាពក្រែងលែងលក្ខណៈអាជីពបែបនេះ តាមរយៈជ័យជម្នះទៅលើជើងខ្លាំង Ronnie O’Sullivan និង Mark Selby រួមទាំងទម្លាក់ម្ចាស់ការពារតំណែងជើងឯកឆ្នាំ២០២៣ Mark Allen ថែមទៀតផង មុនឈានមកដល់វគ្គផ្តាច់ព្រ័ត្រនេះ៕