(ភ្នំពេញ)៖ ដំណឹងល្អ សម្រាប់សិស្សទើបចប់ទី១២ ដែលស្វែងរកសាកលវិទ្យាល័យ ដើម្បីបន្ដការសិក្សានៅថ្នាក់ឧត្ដម ប៉ុន្ដែមិនមានលទ្ធភាព, សាកលវិទ្យាល័យឌីជីថលកម្ពុជា (DUC) ប្រកាសផ្ដល់អាហាររូបករណ៍រយៈពេល៤ឆ្នាំពេញ រួមទាំងអាហារ កន្លែងស្នាក់នៅ ទឹក ភ្លើង និងអ៉ីនធឺណិតកុំព្យូទ័រហាត់ការមួយគ្រឿង ហើយជួយចេញថ្លៃព្យាបាលជំងឺកម្រិតស្រាលទៀតផង។

ការផ្ដល់ជូនអាហារូបករណ៍នេះ មិនមែនផ្ដល់តែសម្រាប់សិស្សដែលប្រឡងជាប់បាក់ឌុបប៉ុណ្ណោះទេ សម្រាប់សិស្សដែលប្រឡងធ្លាក់ទី១២ ក៏សាកលវិទ្យាល័យផ្ដល់អាហារូបករណ៍ ឱ្យរៀនបរិញ្ញាបត្ររងផងដែរ។

អត្ថប្រយោជន៍ដែលសិស្ស-និស្សិត នឹងទទួលបានក្រោយទទួលបានអាហារូបករណ៍ ពីសាកលវិទ្យាល័យឌីជីថលកម្ពុជា មានដូចជា អាហាររូបករណ៍១០០% រយៈពេល៤ឆ្នាំពេញ,ប្រាក់ហាត់ការ ៣០ម៉ឺនរៀលក្នុងមួយខែ, អាហារបីពេល, កន្លែងស្នាក់នៅ, ទឹក, ភ្លើង និងអ៉ីនធឺណិត, កុំព្យូទ័រហាត់ការមួយគ្រឿង ព្រមទាំងជួយចេញថ្លៃព្យាបាលជំងឺកម្រិតស្រាលទៀតផង។

អ្វីដែលកាន់តែពិសេសសម្រាប់និស្សិត ដែលបញ្ចប់ការសិក្សានៅសាកលវិទ្យាឌីជីថលកម្ពុជា Digital University of Cambodia (DUC) សាលានឹងជួយរកការងារឱ្យធ្វើផងដែរ។

សម្រាប់ព័ត៌មានលម្អិត ប្អូនៗអាចទាក់ទងមកកាន់តេឡេក្រាមខាងក្រោម៖
https://t.me/+855965667774។

សូមជម្រាបជូនថា ការជ្រើសរើស និងផ្ដល់អាហារូបករណ៍ដល់និស្សិតក្រីក្រនេះ គឺជាជំនាន់ទី២ហើយ ដែលសាកលវិទ្យាល័យ ឌីជីថលកម្ពុជា Digital University of Cambodia.(DUC) បានរៀបចំឡើង ដោយនៅក្នុងគោលបំណង បណ្ដុះបណ្ដាលធនធានមនុស្សឆ្លើយតបនឹងតម្រូវការទីផ្សារ និងសេដ្ឋកិច្ចក្នុងយុគសម័យឌីជីថល៕