(ត្មួងឃ្មុំ)៖ ប៊ូសស្រ្តងជម្រុះរកឃើញបេក្ខភាពដណ្ដើមឡានខ្លាញ់គោទី៧ មួយរូបហើយ គឺកីឡាករគុនខ្មែរ រិទ្ធី សូសែន ក្រោយប្រកួតឈ្នះ ធន់ ម៉េងហុង កាលពីថ្ងៃទី២៣ វិច្ឆិកា នៅខេត្តត្បូងឃ្មុំ ដោយមានអ្នកចូលរួមទស្សនារាប់ពាន់នាក់។ វគ្គជម្រុះសប្ដាហ៍បន្ទាប់ កីឡាករគុនខ្មែរ ប៉ែន កាក់រាជសីហ៍ ត្រូវប៉ះ ពុធ សំបូរ អមជាមួយការប្រគំតន្រ្តីដ៏ធំអស្ចារ្យ នៅថ្ងៃទី៦-៧ ខែធ្នូ ឆ្នាំ២០២៤ នៅក្រុងបាវិត ចាប់ពីម៉ោង ៨យប់តទៅ។

ប៊ូសស្រ្តងជួយគុនខ្មែរ អ្នកខ្លាំងពូកែ ប៊ូសស្រ្តងឱ្យឡាន ៦គ្រឿងហើយ រួមមានកីឡាករគុនខ្មែរ ព្រំ សំណាង, ពេជ្រ សម្បត្តិ, ឃីម បូរ៉ា, លន បញ្ញា, ចាន់ ប៊ុនហឿន និង បឺត សង្ឃឹម។ តើនរណាជាអ្នកខ្លាំងបន្ទាប់ក្លាយជាម្ចាស់ឡានខ្លាញ់គោទី៧ពីប៊ូសស្រ្តង? សប្ដាហ៍មុនប៊ូសស្រ្តងរកឃើញបេក្ខភាពចាំដណ្ដើមឡាន១រូបហើយ នៅខ្វះ៣រូបទៀត ដើម្បីឆ្លងទៅវគ្គប្រកួតម៉ារ៉ាតុង ស្វែងរកអ្នកខ្លាំងគុនខ្មែរម្នាក់ដែលស័ក្តិសមក្លាយជាម្ចាស់ឡាននៅថ្ងៃទី១៨ ខែមករា ឆ្នាំ២០២៥។

វគ្គជម្រុះសប្ដាហ៍នេះ អមជាមួយការប្រគំតន្រ្តីដ៏ធំអស្ចារ្យ ប្រជុំដោយកំពូល Idolក្នុងចិត្តលោកអ្នកប្រចាំរស្មីហង្សមាស ធ្វើឡើងនៅថ្ងៃទី៦-៧ ខែធ្នូ នៅក្រុងបាវិត បរិវេណតំបន់សេដ្ឋកិច្ចពិសេស មេនហាតធេន ដូច្នេះបងប្អូនកុំភ្លេចចូលរួមទស្សនាឱ្យបានច្រើនកុះករ។

បងប្អូនទិញប៊ូសស្រ្តង គឺមានចំណែកចូលរួមជួយឲ្យមហាព្រឹតិការណ៍ប្រកួតដណ្ដើមឡាននេះកើតឡើងបាន!។​ សូមបន្តការគាំទ្រប៊ូសស្រ្តង ដើម្បីឱ្យមានព្រឹត្តិការណ៍ដ៏អស្ចារ្យបែបនេះបន្តទៀត!៕