(ស្វាយរៀង)៖ ព្រឹត្តិការណ៍បាល់ទាត់ ស្វាយរៀង ស៊ុបភើខាប់ លើកទី១ បានឈានមកដល់វគ្គផ្តាច់ព្រ័ត្រ ដោយមានក្រុមស្នងការដ្ឋាននគរបាលខេត្តស្វារៀង ប៉ះគូប្រជែង ព្រះខ័នរាជស្វយរៀង នាថ្ងៃសៅរ៍ ទី៣០ ខែវិច្ឆិកា ឆ្នាំ២០២៤។

ការប្រកួតនេះផ្តាច់ព្រ័ត្រនេះដែរ នឹងធ្វើនៅកីឡដ្ឋាន ខេត្តស្វាយរៀង នាម៉ោង ៤៖០០នាទីល្ងាច។

ក្នុងកម្មវិធីដណ្តើមពានជំនាន់ទី១ នេះដែរនឹងមានវត្តមានតារាចម្រៀងដ៏ស្រស់ស្អាត គឺកញ្ញា Mina ព្រមទាំងមានការសម្ដែងសិល្បៈ របាំក្ងោកប៉ៃលិន របាំព្រៃប្រសិទ្ធិ និងមានក្បួនដង្ហែបុត្រីស្តេចនាគនាំយកពានរង្វាន់មកប្រគល់ជូនក្រុមជើងឯកទៀត ជាមួយនឹងការចូលរួមទស្សនាដោយសេរី៕