(ភ្នំពេញ)៖ ឪពុកខ្លាំងកូនពូកែ!​ ពិតជាគួរឲ្យក្នាញ់ពេញបេះដូងមហាជន ក្រោយកូនស្រីពិធីករសំបូរវោហាស័ព្ទ និងពោរពេញដោយសមត្ថភាពលោក ប៉ែន ចំរ៉ុង អាចនឹងទទួលបានការងារសម្តែងមួយនេះទាំងក្មេងវ័យ។

ជាការពិត តារាសម្តែងលោក ប៉ែន ចំរ៉ុង កាលពីពេលថ្មីៗកន្លងមកនេះ លោកទើបតែទទួលបានចំណងដៃកូនស្រីម្នាក់ទៀត ដែលជាគ្រាប់ពេជ្ររបស់លោក និងភរិយា បានចាប់ដៃគ្នាច្រើនឆ្នាំមកនេះ ខណៈចំណងរិតនេះហើយធ្វើឲ្យលោកនឹងភរិយាកាន់តែផ្អែម សុភមង្គលក្នុងគ្រួសារ ទោះលោកមមាញឹកនឹងការដ៏ច្រើនក្តី។

លោក ប៉ែន ចំរ៉ុង ប្រាប់ Fresh News Plus ថា កូនស្រីរបស់លោកដែលជាកែវភ្នែកទាំងគូរបស់លោក ដែលទើបនឹងកើតនេះ គឺមានឱកាសក្លាយ BA នៅក្នុងផលិតផលមួយ នោះទំនងជាម្សៅទឹកដោះគោ តែលោកមិនទាន់បង្ហើបឲ្យច្បាស់នោះទេ លោកសូមឲ្យរង់ចាំ ខណៈកូនលោកតូច តែតាន់ ទើបម្ចាស់តំណាងនឹងផ្តល់ឱកាសឲ្យ។

ជាមួយគ្នានេះដែរ កូនស្រីបណ្តូលចិត្តទាំង២នេះ មានឈ្មោះពីរោះទៀតផង ដោយកូនស្រីបងឈ្មោះ ចំរុង បេឡា ជុតិម៉ា និងកូនប្អូនឈ្មោះ ចំរុង សោម៉ា ម៉ានីណា។

គួរបញ្ជាក់ដែរថា ទោះមមាញឹកនឹងសិល្បៈច្រើនយ៉ាងណា លោក ប៉ែន ចំរ៉ុងតែងនឹករំឭកភរិយា និងកូនស្រីបណ្តូលចិត្តទាំង ពោលគឺខណៈនាពេលអនាគតលោកអាចមានកូនបន្ថែមទៀត ដោយចំណងស្នេហាលោកនឹងភរិយាកាន់តែស្អិតរមួត ដូចទឹកនិងត្រី៕