(ពិភពលោក)៖ ការប្រកួតដណ្តើមពានរង្វាន់ FIFA Club World Cup 2025 ពេលនេះរកបានក្រុមត្រូវចូលរួមប្រជែងគ្រប់អស់ហើយ ក្នុងនោះឃើញថាមានក្រុមចេញពីតំបន់អាស៊ី AFC មានចំនួន ៤ក្រុម មានដូចជាក្រុម Al-Hilal, Urwa Red Diamonds, Al Ain, និងក្រុម Ulsan HD ។

ដោយឡែកក្រុមនៅតំបន់អឺរ៉ុប UEFA មានច្រើនជាងគេដល់ទៅ ១២ក្រុម ដូចជាក្រុម Chelsea, Real Madrid, Manchester City, Bayern Munich, Paris Saint Germain, Inter Milan, Porto, Banfica, Borussia Dortmund, Juventus, Atletico Madrid និងក្រុម Red Bull Salzburg ។

ក្រុមមកពីតំបន់អាហ្រ៊ិក មានចំនួន ៤ក្រុមដូចជា Al Ahly, Wydad AC, Esperance de Tunis និងក្រុម Mamelodi Sundowns ហើយក្រុមមកពីតំបន់អាមេរិកខាងជើង CONCACAF មានដូចជាក្រុម Minterrey, Seattle Sounders FC, Leon, និងក្រុម Pachuca ។

ក្រុមតំបន់អាមេរិកខាងត្បូង COMMEBOL មានក្រុម Palmeiras, Falmengo, Fluminense, Botafago, River Plate និងក្រុម Boca Juniors ហើយក្រុមមកពីសហព័ន្ធកីឡាបាល់ទាត់អូសេអានី មានតែក្រុម Auckland City ជាមួយនឹង ១ក្រុមមកពីអាមេរិក Inter Miami FC ។

ការប្រកួតនេះដែរ នឹងត្រូវលេងវគ្គសន្សំពិន្ទុដែលមានពីពូល A ដល់ពូល H ជាមួយការចាប់ឆ្នោតបែងចែកពូលនឹងធ្វើឡើងនៅថ្ងៃទី០៥ ខែធ្នូ ឆ្នាំ២០២៤ នេះ ស្ថិតនៅទីក្រុង Miami ៕