(ព័រទុយហ្គាល់)៖ កីឡាករ Nani ពេលនេះបានសម្រេចប្រកាសចូលនិវត្តន៍ពីអាជីពកីឡាករហើយ ក្នុងវ័យ ៣៨ឆ្នាំ បន្ទាប់ពីចំណាយពេលលេងអស់រយៈពេល ២៤ឆ្នាំកន្លងមកនេះ ក្រោយលោកបានត្រលប់ទៅកាន់ក្លិបក្នុងស្រុកំណើត Estrela Amadora ក្នុងឆ្នាំ២០២៤ នេះ ។

រំលឹកផងថា Nani ជាអតីតកីឡាករឆ្នើមរបស់ក្លិបព័រទុយហ្គាល់ Sporting CP នឹងបានផ្ទេរមកកាន់ក្លិបអង់គ្លេស Manchester United ក្នុងតម្លៃ ២១លានផោន ជាទីកន្លែងដែលលោកបានបង្ហាញពីសម្ថតភាពលេងធ្លោជាខ្លាំង ជាមួយការរួមចំណែកជួយក្លិបបិសាចក្រហមឈ្នះពាន Premier League ចំនួន ៤លើក និងពានលីគអឺរ៉ុប UEFA Champions League 2007-08 និងពាន FIFA Club World Cup 2008 ។

ជាមួយជម្រើសជាតិ Nani បានព្យួរស្បែកជើងកាលឆ្នាំ២០១៧ ពីការលេងបាន ១១២ប្រកួតរកបាន ២៤គ្រាប់ ជាមួយការរងជើងឯកពាន UEFA European Championship 2016 ហើយការលេងជាមួយក្លិបអាជីពរូបលោករកបាន ១២៨គ្រាប់ផងដែរ។

Nani ក៏បាននិយាយពាក្យលាចុងក្រោយថា «វាជាការធ្វើដំណើរដ៏អស្ចារ្យមួយ ហើយខ្ញុំសូមអរគុណមនុស្សគ្រប់គ្នាដែលបានជួយខ្ញុំ និងគាំទ្រខ្ញុំឱ្យឆ្លងកាត់នៅកម្រិតខ្ពស់ជាច្រើន និងទាបក្នុងអំឡុងពេលអាជីពដែលមានរយៈពេលជាង ២០ឆ្នាំមកនេះ និងផ្តល់ឱ្យខ្ញុំនូវការចងចាំដែលមិនអាចបំភ្លេចបានជាច្រើន»៕