(ភ្នំពេញ)៖ នៅថ្ងៃទី១២ ខែធ្នូ ឆ្នាំ២០២៤ កម្មវិធី UCMAS កម្ពុជា បានរៀបចំកម្មវិធីជួបជុំនិងជូនដំណើរកុមារ UCMAS កម្ពុជាជ័យលាភីឆ្នើមពីការប្រឡងថ្នាក់ជាតិលើកទី៦ នៅបរិវេណអាកាសយាន្តដ្ឋានអន្តជាតិភ្នំពេញ ក្នុងគោលបំណងទៅចូលរួមការប្រកួតប្រជែងកម្មវិធីគិតលេខរហ័សថ្នាក់អន្តជាតិឆ្នាំ ២០២៤ (THE UCMAS INTERNATIONAL COMPETITION and WORLD CUP 2024 ) នៅក្នុងទីក្រុង ញូដេលី ប្រទេស ឥណ្ឌា ដែលនឹងប្រព្រឹត្តទៅនៅថ្ងៃទី ១៤-១៥ ខែធ្នូ ឆ្នាំ២០២៤ ។

កម្មវិធីនេះត្រូវបានអញ្ជើញចូលរួមដំណើរដោយ គណៈគ្រប់គ្រងនៃកម្មវិធី UCMAS កម្ពុជា,ម្ចាស់អាជ្ញាបណ្ណ័,ប្រធានសាខា,សិស្សឆ្នើមតំណាងប្រទេសកម្ពុជាចំនួន ០៩ រូប និង
អាណាព្យាបាលសិស្សផងដែរ ។

តាមការបញ្ជាក់របស់លោកស្រី ហេង រចនា អគ្គនាយិកា UCMAS កម្ពុជា បានឲ្យដឹងថា នេះជាលើកទី ៦ហើយ ដែល UCMAS កម្ពុជាបានបញ្ចូនសិស្សឆ្នើមជ័យលាភីថ្នាក់ជាតិទៅចូលរួមប្រកួតប្រជែងថ្នាក់អន្តជាតិ ដែលមានការចូលរួមពីកុមារឆ្លាតវៃប្រមាណ ៦,០០០នាក់មក ពី ៣០ប្រទេសជុំវិញពិភពលោកនឹងជាឪកាសដ៍ល្អសម្រាប់កុមារកម្ពុជា ទទួលបាននូវបទពិសោធន៍ថ្មី នឹងបង្ហាញសមត្ថភាពនៅលើឆាកអន្តជាតិមួយនេះ។

លោកស្រី ហេង រចនា បន្តថា «យើងជឿជាក់ថាក្នុងឆ្នាំនេះកម្ពុជានឹងទទួលបានជ័យលាភីល្អប្រសើរ ជាងកាលឆ្នាំ២០២៣ ដែលពេលនោះមានកុមារកម្ពុជា ២រូប ទទួលបានចំណាត់ថា Grand Champion ផងដែរ»។

លោកស្រីអគ្គនាយិកា UCMAS កម្ពុជា បានឲ្យដឹងទៀតថា សម្រាប់ការចូលរួមប្រឡងថ្នាក់អន្តរជាតិមិនត្រឹមតែជួយឱ្យកុមារកម្ពុជាមានឳកាសស្វែងយល់ពីបទពិសោធន៍ថ្មីប៉ុណ្ណោះទេ ថែមទាំងជួយឱ្យពួកគេកាន់មានភាពក្លាហាននឹងទំនុកចិត្តខ្ពស់ថែមមួយកម្រិតទៀត។

លើសពីនេះទៀតសម្រាប់សិស្សជ័យលាភីពីការប្រឡងនឹងទទួលបានវិញ្ញាបនបត្រនិងពានរង្វាន់ថ្នាក់អន្តរជាតិនិងរង្វាន់លើកទឹកចិត្តជាច្រើនទៀត។ កម្មវិធី UCMAS កម្ពុជាសូមជូនពរដល់កុមារ UCMAS តំណាងឱ្យប្រទេសកម្ពុជាទាំងអស់ទទួលបានជោគជ័យគ្រប់ៗគ្នា។

សម្រាប់បងប្អូនដែលមានកូនតូចៗនឹងមានចំណាប់អារម្មណ៍ចុះឈ្មោះជាកម្មវិធីUCMASកម្ពុជា អាចទំនាក់ទំនងសាខាជិតតំបន់លោកអ្នករស់នៅរឺតាមលេខទូរស័ព្ទ៖ 012 21 38 86/ 015 39 40 43៕