(ភ្នំពេញ)៖ ម៉ាស៊ីនទឹកក្តៅ ម៉ូដែល AQUARIUS សេរ៊ី F&G និងចង្រ្កានអគ្គិសនី ម៉ាករីនណៃ(Rinnai) ជំនាន់ថ្មី ដែលមានបច្ចេកវិទ្យាទំនើប និងការរចនាបែបទាន់សម័យ ដែលជាផលិតផលលេខមួយនៅជប៉ុន ត្រូវបាននាំចូលមកកាន់ទីផ្សារកម្ពុជាហើយ ដើម្បីបំពេញតម្រូវការអតិថិជន។
ម៉ាស៊ីនទឹកក្តៅ សេរ៊ី F&G និងចង្រ្កានជំនាន់ថ្មី ម៉ាក Rinnai ត្រូវបាននាំចូលផ្តាច់មុខដោយក្រុមហ៊ុន ខេមខូណាត្រេដឌីង (ខេមបូឌា) ខូអិលធីឌី និងបានសម្ពោធជាផ្លូវការ នាថ្ងៃទី១៥ ខែធ្នូ ឆ្នាំ២០២៤។
ថ្លែងក្នុងពិធីជួបជុំមហាគ្រួសាររីនណៃ និងសម្ពោធផលិតផលថ្មី នាថ្ងៃទី១៥ ខែធ្នូ ឆ្នាំ២០២៤ លោកស្រី គឹមស្រ៊ុន អេលីដា នាយិកាក្រុមហ៊ុន ខេមខូណាត្រេដឌីង (ខេមបូឌា) ខូអិលធីឌី បានលើកឡើងថា ការនាំចូល ម៉ាស៊ីនទឹកក្តៅ និងចង្ក្រានអគ្គិសនី ម៉ាករីនណៃ សេរ៊ីថ្មី នេះ គឺដើម្បីបំពេញតាមតម្រូវការ និងសម្រួលដល់ការរស់នៅប្រចាំថ្ងៃរបស់អតិថិជន និងអ្នកប្រើប្រាស់ឱ្យកាន់តែមានប្រសិទ្ធភាពជាងមុន។ ផលិតផលទាំងនេះ គឺពោពេញទៅដោយលក្ខណៈពិសេសដែលមានប្រសិទ្ធភាព សន្សំសំចៃថាមពល រចនាបទស្អាតទំនើបទាន់សម័យ និងមានសុវត្ថិភាពសម្រាប់អ្នកប្រើប្រាស់ ប្រកបដោយផាសុខភាព។
លោកស្រី បានឱ្យដឹងថា អស់រយៈពេល១២ឆ្នាំហើយ ដែលក្រុមហ៊ុនខេមខូណា បានចែកចាយផលិតផលរីនណៃ នៅកម្ពុជា ដែលក្នុងរយៈពេលជាង១០ឆ្នាំនេះ រីនណៃបានក្លាយជាម៉ាកយីហោដែលអតិថិជន មានទំនុកចិត្តខ្ពស់ និងទទួលបានកេរ្តិ៍ឈ្មោះយ៉ាងឆាប់រហ័ស ដោយសារផលិតផលមានគុណភាពខ្ពស់ប្រកបដោយភាពច្នៃប្រឌិត ប្រើធន់បានយូរ និងមានសេវាកម្ម គាំទ្រដល់អតិថិជន។
លោក Takeshi Shinji ប្រធានផ្នែកគ្រប់គ្រងការលក់ក្រៅប្រទេសក្នុងតំបន់អាស៊ីអាគ្នេយ៍ នៃសាជីវកម្មរីនណៃជប៉ុន បានថ្លែងថា ផលិតផលម៉ាករីនណៃត្រូវបានទទួលស្គាល់ និងមានសមិទ្ធិផលល្អប្រសើរនៅកម្ពុជា ដែលលទ្ធផល ល្អប្រសើរនេះអាចប្រៀបធៀបទៅនឹងប្រទេសជិតខាង ក្នុងតំបន់អាស៊ីអាគ្នេយ៍។ លោកលើកឡើងថា ការនាំចូលផលិតផលទាំងពីរនេះមកកម្ពុជា ដើម្បីបំពេញតម្រូវការអតិថិជននៅកម្ពុជា ហើយលោកមើលឃើញថា កម្ពុជាគឺជាទីផ្សារដែលមានសក្តានុពល និងទទួលបានការគាំទ្រច្រើនពីអ្នកប្រើប្រាស់។
លោកបន្ថែមថា រីនណៃ គឺជាម៉ាកយីហោមកពីប្រទេសជប៉ុនដែលមានអាយុកាលជាង១០០ឆ្នាំមកហើយ ហើយផលិតផលទាំងអស់របស់រីនណៃ គឺផ្តោតជាចម្បងទៅលើគុណភាព ដើម្បីផ្តល់ទំនុកចិត្តដល់អ្នកប្រើប្រាស់។
លោក គង់ សាមាឌី បុគ្គលិកផ្នែកលក់នៃក្រុមហ៊ុនរីនណៃ បានលើកឡើងពីលក្ខណៈពិសេសនៃម៉ាស៊ីនទឹកក្តៅ សេរ៊ី F&G នេះថា ម៉ាស៊ីនទឹកក្តៅថ្មីនេះ បានប្រើប្រាស់បច្ចេកវិទ្យាខ្ពស់ជាងមុន ទឹកឆាប់ក្តៅជាងសេរ៊ីមុន ការរចនាស្អាតជាងមុន និងសំលេងម៉ូទ័រស្ងាត់ជាងមុន។ ចំណែកចង្រ្កានអគ្គិសនីវិញ មាន២ប្រភេទ គឺប៉ះក្តៅ និងប៉ះមិនក្តៅ ។ ចង្រ្កានអគ្គិសនី ដែលទើបនឹងនាំចូលថ្មីនេះ ត្រូវបានកែប្រែរូបថ្មី ដើម្បីផ្តល់ភាពងាយស្រួលដល់ប្រើប្រាស់ ហើយវាក៏មានមុខងារកំណត់នាទីសម្រាប់ការប្រើប្រាស់ និងមានមុខងារសម្រាប់ចាក់សោរការពារមិនឱ្យក្មេងចុចលេងបានផងដែរ។
ក្នុងឱកាសសម្ពោធនូវផលិតផលថ្មីទាំងពីរប្រភេទនេះ ក្រុមហ៊ុនក៏ផ្តល់នូវប្រូម៉ូសិនពិសេស ដែលមានរយៈពេល៤ថ្ងៃ ប៉ុណ្ណោះ ចាប់ពីថ្ងៃទី១៥ ដល់ថ្ងៃទី១៨ ខែធ្នូឆ្នាំ២០២៤។ រាល់ការជាវ ម៉ាស៊ីនទឹកក្តៅសេរ៊ីថ្មី និងចង្រ្កានអគ្គិសនីម៉ូដែលថ្មីនេះ នឹងទទួលបានការបញ្ចុះតម្លៃរហូតដល់១០%ក្នុងមួយគ្រឿងភ្លាមៗ ។ ហើយរាល់ការទូទាត់ភ្លាមៗក្រោយទទួលបានទំនិញ ក្រុមហ៊ុននឹងបញ្ចុះតម្លៃជូន៣%បន្ថែមទៀត។
ក្នុងពិធីជួបជុំគ្រួសាររីនណៃដែលមានការចូលរួមពីដេប៉ូចែកចាយបន្តទាំងនៅទីក្រុងភ្នំពេញ និងតាមបណ្តាខេត្ត ក៏មានការផ្តល់នូវប័ណ្ណសរសេរ និងថ្លែងអំណរគុណដល់ដេប៉ូចែកចាយបន្ត ឆ្នើមចំនួន១០រូបដែលជាវផលិតផលរីនណៃបានច្រើនជាងគេ នៅក្នុងឆ្នាំ២០២៤ និងការចាប់ឆ្នោតផងសំណាងផងដែរ៕
