(ភ្នំពេញ)៖ អ្វីដែលជាការទន្ទឹងរង់ចាំស្ដាប់ MV ពេញនៃបទ «កុលាប មានបន្លា» ដែលបកស្រាយដោយតារាចម្រៀង ព្រាប សុវត្ថិ បានមកដល់ហើយ គឺខណៈដែលនៅមុននេះបន្ដិច ពោលគឺនៅរសៀលថ្ងៃទី១៩ ខែធ្នូ ឆ្នាំ២០២៤ ផលិតកម្ម ហ្គាឡាក់ស៊ី ណាវ៉ាត្រា បានចេញ MV នេះជាផ្លូវការនៅលើ Page របស់ខ្លួនហើយ។

សំឡេងដ៏ក្រអួនក្រអៅ អមដោយកាយវិការស់រវើករបស់តារាចម្រៀងជើងចាស់ ព្រាប សុវត្ថិ នៅក្នុង MV បទថ្មី «កុលាបមានបន្លា» កំពុងធ្វើឲ្យហ្វេនៗសម្រុកចូលស្ដាប់ និងទស្សនា ដោយអ្នកខ្លះនៅតែកោតសរសើរ នូវទឹកដមសំឡេងរបស់លោក និងខ្លះនិយាយថា IDOL ព្រាប សុវត្ថិ កាន់តែចាស់កាន់តែខ្លឹម និងគួរឲ្យស្រឡាញ់។

តាមរយៈ MV ថ្មី ក្រោមចំណងជើងថា «កុលាបមានបន្លា» នេះ តារាចម្រៀង ព្រាប សុវត្ថិ ដែលជាម្ចាស់សំឡេងផ្ទាល់ក៏ធ្លាប់បានបញ្ចេញនូវឈុតខ្លះៗ លើបណ្ដាញសង្គមផ្ទាល់ខ្លួនផងដែរ ហើយទទួលបានការគាំទ្រច្រើនពីមហាជន។ ទន្ទឹមគ្នានោះក៏មានហ្វេនៗមួយចំនួន និយាយថា ពួកគេទន្ទឹងរង់ចាំស្ដាប់បទចម្រៀងពេញក្នុងពេលឆាប់ៗយ៉ាងអន្ទះសារ។

ពិតជាលឿនដូចបំណងហ្វេនៗមែន ស្រាប់តែថ្ងៃនេះផលិតកម្ម និងរូបតារាចម្រៀង ព្រាប សុវត្ថិ ផ្ទាល់ បានជូនកាដូចុងឆ្នាំ២០២៤ ដល់ហ្វេនតាមរយៈបទចម្រៀង MV ដ៏ពីរោះមួយបទនេះ។

សូមប្រិយមិត្ត និងអ្នកគាំទ្រទស្សនា និងស្ដាប់កម្សាន្តបទចម្រៀងនេះដូចតទៅ៖