(ភ្នំពេញ)៖ ព្រឹត្តិការណ៍ប្រគំតន្រ្តីដ៏ធំសម្បើម WURKZ TOUR CONCERT និងព្រឹត្តិការណ៍ប្រដាល់គុណខ្មែរ WURKZ នឹងបង្ហាញវត្តមាននៅទីតាំងតារាងបាល់ទាត់ក្រុងពោធិ៍សាត់ ស្ថិតនៅភូមិពាលញែកមួយ សង្កាត់ផ្ទះព្រៃ ក្រុងពោធិ៍សាត់ ខេត្តពោធិ៍សាត់ នាថ្ងៃទី ២១-២២ ខែធ្នូ ឆ្នាំ២០២៤ ចុងសប្តាហ៍នេះ ចាប់ពីម៉ោង ៨យប់តទៅ។

នាថ្ងៃទី​២១​ ខែធ្នូនេះ ព្រឹត្តិការណ៍ប្រគំតន្រ្តីដ៏ធំសម្បើម​ WURKZ TOUR CONCERT នឹងនាំវត្តមានតារាចម្រៀងល្បីប្រចាំផលិតកម្មថោន ជាមួយចង្វាក់ភ្លេងថ្មីៗល្បីៗ មកកន្រ្តាក់អារម្មណ៍​ និងបង្កើនបរិយាកាសសប្បាយរីករាយដល់ទស្សនិយជនទាំងអស់គ្នា។ លើសពីនេះ ព្រឹត្តិការណ៍ប្រដាល់គុនខ្មែរ​ នឹងប្រព្រឹត្តនៅថ្ងៃទី២២ ខែធ្នូ ដែលជាការប្រកួតវគ្គជម្រុះជុំទី៣ សរុបចំនួន ៧គូ ដោយ៣​គូ ជាគូប្រកួតដណ្តើមខ្សែក្រវ៉ាត់គុនខ្មែរពិភពលោក IPCC ពីស្ថាប័នអន្តរជាតិ និង​ ៤គូ ជាគូមិត្តភាពអន្តរជាតិគុនខ្មែរ។

បងប្អូនអាចចូលរួមទស្សនាព្រឹត្តិការណ៍ដ៍អស្ចារ្យទាំងពីរនេះដោយសេរី ឬតាមរយៈការផ្សាយផ្ទាល់នៅលើកញ្ចក់ទូរទស្សន៍ TOWN FULL HDTV និងនៅលើគេហទំព័រផ្លូវការ​របស់ WURKZ។
WURKZ បង្កើនថាមពលឥតឈប់ឈរ!៕