(ភ្នំពេញ)៖ ក្រុមហ៊ុន Smart ពិតមានមោទនភាពណាស់ ក្នុងការប្រកាសផ្តល់ទិន្នន័យប្រចាំថ្ងៃចំនួន 1GB សម្រាប់អតិថិជនប្រើប្រាស់គម្រោងស្មាតល្អ (Smart Laor) ដើម្បីសិក្សានៅលើគេហទំព័រ Educational Broadcasting Cambodia (EBC) ដើម្បីរួមចំណែកលើកកម្ពស់វិស័យអប់រំនៅកម្ពុជា។

គំនិតផ្តួចផ្តើម និងកិច្ចខិតខំតប្រឹងប្រែងនេះ ឆ្លុះបញ្ចាំងពីការយកចិត្តទុកដាក់របស់ក្រុមហ៊ុន Smart ក្នុងផ្តល់ឱកាសសិក្សាសម្រាប់អតិថិជន ឬសិស្សានុសិស្សឱ្យទទួលបានឱកាសអប់រំប្រកបដោយគុណភាព។

រៀនតាមអនឡាញបានដោយងាយស្រួលគេហទំព័រ EBC គឺជាវេទិកាមួយផ្តល់នូវធនធានសិក្សាតាមអ៊ីនធឺណិត ដ៏ទូលំទូលាយដែលត្រូវបានរចនាឡើង ដើម្បីធ្វើឱ្យសិស្សានុសិស្សអាចស្វ័យសិក្សាឥតដែនកំណត់ បានគ្រប់ពេលគ្រប់ទីកន្លែងបាននៅទូទាំងប្រទេស។

តាមរយៈភាពជាដៃគូរវាងក្រុមហ៊ុន Smart និង EBC ដែលបានចុះហត្ថលេខាលើអនុស្សរណៈយោគយល់រវាងក្រុមហ៊ុន Smart និង EBC ក្រោមអធិបតីភាពរបស់ ឯកឧត្តម សុខ ពុទ្ធិវុធ រដ្ឋលេខាធិការក្រសួងប្រៃសណីយ៍ និងទូរគមនាគមន៍ លោកជំទាវ គឹម សេដ្ឋានី រដ្ឋលេខាធិការប្រចាំការនៃក្រសួងអប់រំ យុវជន និងកីឡា ថ្នាក់ដឹកនាំនៃក្រសួងទាំង២ ថ្នាក់ដឹកនាំរបស់ក្រុមហ៊ុន Smart ថ្នាក់ដឹកនាំរបស់ EBC កាលពីថ្ងៃទី៧ ខែមិថុនា ឆ្នាំ ២០២៤ ឥឡូវនេះ អតិថិជន ឬសិស្សនុសិស្សអាចចូលរៀននៅលើគេហទំព័រ EBC ដែលមានឯកសារសិក្សា និងមេរៀនអប់រំចម្រុះជាច្រើនបានដោយរលូនពីគ្រប់ទិសទី ដោយប្រើប្រាស់ទិន្នន័យអីុនធឺណិតប្រចាំថ្ងៃចំនួន 1GB ដែលឧបត្ថម្ភដោយក្រុមហ៊ុន Smart សម្រាប់អតិថិជនប្រើប្រាស់គម្រោង Smart Laor!។

តស់! ចុះឈ្មោះឥឡូវនេះ ដើម្បីទទួលបានទិន្នន័យអ៊ីនធឺណិតប្រចាំថ្ងៃចំនួន 1GB ឥតគិតថ្លៃ
១. តាមគេហទំព័រ EBC: https://ebc.edu.kh/
២. តាមកម្មវិធី SmartNas៖ https://smartnas.smart.com.kh/

នៅពេលចុះឈ្មោះ អតិថិជន ឬសិស្សានុសិ្សអាចរីករាយនឹងបទពិសោធន៍សិក្សាដោយមិនមានការរំខានជាមួយនឹងទិន្នន័យប្រើអ៊ីនធឺណិតចំនួន 1GB ជារៀងរាល់ថ្ងៃ ដែលលោកអ្នកអាចសិក្សាបានតែនៅលើគេហទំព័រ EBC តែប៉ុណ្ណោះ។

តស់ កុំឱ្យឱកាសនេះកន្លងផុតណា ទទួលបានទាំងអ៊ីនធឺណិតប្រើដោយឥតគិតថ្លៃ និងទទួលបានចំណេះដឹងកាន់តែប្រសើរក្នុងពេលតែមួយ! ចុះឈ្មោះនៅលើគេហទំព័រ EBC ថ្ងៃនេះ! សម្រាប់ព័ត៌មានថ្មីៗ សូមតាមដាននៅលើទំព័រហ្វេសប៊ុករបស់ Smart៕