(ភ្នំពេញ)៖ ព្រឹត្តិការណ៍ប្រគំតន្រ្តីប្រចាំប្រទេស Exprez Tour Concert របស់ ក្រុមហ៊ុនខ្មែរ ប៊ែវើរីជីស សហការជាមួយផលិតកម្ម Galaxy Navatra បានធ្វើដំណើរមកដល់ខេត្តព្រះសីហនុហើយ ដើម្បីអបអរសារទរថ្ងៃឆ្លងឆ្នាំសកល២០២៤ ឈានចូល២០២៥ ខណៈដែលការប្រគំតន្ត្រីខ្នាតយក្សមួយនេះ នឹងនាំយកនូវតារាចម្រៀងល្បីៗប្រចាំប្រទេសជាច្រើនដួង មកអង្រួនឆាក បង្កើតទស្សនីយភាពដ៏អស្ចារ្យ បម្រើអារម្មណ៍ពុកម៉ែបងប្អូន អាចចូលរួមទទួលយកភាពសប្បាយរីករាយ និងរាំលេងកម្សាន្ត ជាមួយនឹងចង្វាក់ភ្លេងគ្រប់ស្ទាយ ព្រមទាំងបានជួបជាមួយអាយដលជាច្រើនដួងផងដែរ។

វត្តមានតារាចម្រៀងល្បីៗជាច្រើនរូបមានដូចជា តារាចម្រៀងប្រចាំប្រទេស លោក ព្រាប សុវត្ថិ, លោក ខេមរៈ សិរីមន្ត លោក ខេម, កញ្ញា តន់ ចន្ទសីម៉ា, លោក ខាន់ ជេមស៍, លោក គូម៉ា, លោក Tempo Tris, លោក សុវត្ថិ មុនីវណ្ណ, លោក សុវត្ថិ សិរីវុឌ្ឍ, លោក ជុំ លីណូ, អ្នកនាង ខាត់ សួស្តី, កញ្ញា L-D-A, លោក រាជ ប្រាថ្នា, កញ្ញា អេមមី, កញ្ញា Thyda Davika, លោក Vin Trapz និងកញ្ញា សុខុម រចនា។

ការប្រគំតន្រ្តីនឹងចាប់ផ្ដើមនៅថ្ងៃទី២៩,៣០,៣១ ខែធ្នូ ឆ្នាំ២០២៤នេះ ដែលមានទីតាំងនៅ ទីលានតេជោ (ពយតាមូង) ឆ្នេរកន្ទុយនាគ ក្រុងព្រះសីហនុ ខេត្តព្រះសីហនុ ចាប់ពីម៉ោង ៧យប់ ដល់ម៉ោង១១យប់។ 

ក្រៅពីការប្រគំតន្ត្រី របស់តារាចម្រៀង ដែល បានរៀបរាប់ខាងលើក៏មានអមមកជាមួយការសម្ដែង Show ពិសេសៗ, ការចាក់ភ្លេង EDM ពី DJ ល្បីៗដើម្បីបង្កើនភាពសប្បាយរីករាយ នៅលើឆាកតន្រ្តីដ៏ធំសម្បើម បច្ចេកទេស Sound ទំនើបចុងក្រោយ និងភ្លើងចម្រុះពណ៌ដ៏អស្ចារ្យ ដែលមិនធ្លាប់មានពីមុន។ ព្រឹត្តិការណ៍ដ៏អស្ចារ្យនេះ បងប្អូនអាចចូលរួមដោយសេរី។​

សូមបញ្ជាក់ថា ជាពិសេសនៅថ្ងៃទី៣១ ខែធ្នូ ឆ្នាំ២០២៤នេះ ក្រុមហ៊ុន Khmer Beverage និងមានការគាស់ក្រវិលកំប៉ុង Exprez ដើម្បីស្វែងរកបេក្ខជន-បេក្ខនារី ដែរត្រូវជាមួយរង្វាន់ដ៏ធំ គឺទឹកប្រាក់ ៩៩៩៩ដុល្លារផងដែរ៕

https://www.facebook.com/share/v/1AY8inMhnB/?