(សិង្ហបុរី)៖ ការប្រកួតប្រជែងវគ្គ ៤ក្រុមចុងក្រោយនៃជើងឯកអាស៊ីអាគ្នេយ៍ ASEAN Mitsubishi Electric Cup 2024 សម្រាប់ ១ប្រកួតបើឆាកជើងទី១ ក្រុមជម្រើសជាតិវៀតណាម បានយកឈ្នះទៅលើក្រុមជម្រើសជាតិសិង្ហបុរី ២-០ ជាមួយការប្រកួតយ៉ាងស្វិតស្វាញ នៅទឹកដីសិង្ហបុរី ។

ជាមួយលទ្ធផល ២-០ នេះផងដែរ គឺក្រុមវៀតណាម សុទ្ធតែរកបាននៅក្នុងនាទីបន្ថែមទាំងអស់ មាននៅនាទី៩០+១១ និងនាទី៩០+១៤ ដោយកីឡាករ Nguyen Tien Linh និង Nguyen Xuan Son ក្រោយការលេង ៩០នាទីពេញយ៉ាងស្វិតស្វាញមិនអាចធ្វើអ្វីគ្នាបាន ហើយតាមរយៈនេះធ្វើឱ្យវៀតណាម កើនក្តីសង្ឃឹមឡើងវគ្គផ្តាច់ព្រ័ត្រ ប្រសិនជាអានបន្តយកឈ្នះថែមទៀតនៅជើងទី២ នាថ្ងៃទី២៩ នៅទឹករបស់ខ្លួន ។

មួយប្រកួតនាថ្ងៃទី២៧ ខែធ្នូនេះផងដែរ គឺជាការប៉ះគ្នារវាងក្រុមហ្វីលីពីន បើកទ្វាផ្ទះទទួលក្រុមថៃ នៃជើងទី១ ក្នុងវគ្គ ៤ក្រុមនេះ រៀបចំនៅកីឡដ្ឋាន Rizal Memorial ដ្បិតក្រុមថៃ ជាក្រុមលើកពាននេះបានច្រើនជាងគេ ៧សម័យកាល សម្រាប់ការប្រកួតប្រជែងដណ្តើមពានប្រចាំតំបន់លេង ២ឆ្នាំម្តងនេះ ៕