(ភ្នំពេញ)៖ ព្រឹត្តិការណ៍ប្រគំតន្រ្តីទេសចរណ៍ខ្នាតយក្សចំនួន៥ នឹងបង្ហាញវត្តមានកំដរអារម្មណ៍បងប្អូន ក្នុងឱកាសបុណ្យឆ្លងឆ្នាំសកល ឆ្នាំ២០២៥ ចាប់ពីថ្ងៃទី ២៩-៣០-៣១ ខែធ្នូ ឆ្នាំ២០២៤ ចាប់ពីម៉ោង ៨យប់តទៅ នៅទីតាំងមួយចំនួនរួមមាន៖

ទី១,ខេត្តតាកែវ៖ ព្រឹត្តិការណ៍ប្រគំតន្រ្តីទេសចរណ៍ CAMBODIA BONDING CONCERT នឹងបង្ហាញវត្តមានឆាកយក្សរបស់ខ្លួននៅបរិវេណសួនច្បារមាត់បឹង ក្រុងដូនកែវ ខេត្តតាកែវ ជាមួយវត្តមានតារាចម្រៀងល្បីៗលំដាប់ជួរមុខនៃផលិតកម្ម រស្មីហង្សមាស ជាច្រើនរូប មកកំដរបងប្អូនអ្នកតាកែវ នាឱកាសឆ្លងឆ្នាំសកលនេះ ហើយក៏អាចទស្សនាការផ្សាយផ្ទាល់លើកញ្ចក់ទូរទស្សន៍ប៉ុស្តិ៍ រស្មីហង្សមាស ឬ ហ្វេសប៊ុកផេកផ្លូវការរបស់ CAMBODIA BEER។

ទី២, រាជធានីភ្នំពេញ (OCIC)៖ ឆាកយក្សរបស់ CAMBODIA BONDING CONCERT នឹងចាំកំដរអារម្មណ៍អ្នកភ្នំពេញនៅទីតាំង OCIC ជ្រោយចង្វារ ជាមួយវត្តមានតារាចម្រៀងល្បីៗប្រចាំប្រទេសជាច្រើនរូបទៀត ដើម្បីមកញ៉ាំងបរិយាកាសឆ្លងចូលឆ្នាំថ្មី ឆ្នាំ-២០២៥ ហើយបងប្អូនក៏អាចទស្សនាការផ្សាយផ្ទាល់ លើកញ្ចក់ទូរទស្សន៍ BTV ឬហ្វេកប៊ុកផេកផ្លូវការរបស់ CAMBODIA BEER។

ទី៣, រាជធានីភ្នំពេញ (ជីប ម៉ុង ២៧១ មេហ្គាម៉ល)៖ ព្រឹត្តិការណ៍ប្រគំតន្រ្តីខ្នាតយក្ស CAMBODIA PREMIUM WATER TOUR CONCERT នឹងមានវត្តមាននៅទីតាំងផ្សារទំនើប ជីប ម៉ុង ២៧១ មេហ្គាម៉ល ជាមួយនឹងវត្តមានតារាចម្រៀងល្បីៗប្រចាំផលិតកម្ម សាន់ដេ រួមគ្នានឹងព្រឹត្តិការណ៍ប្រដាល់គុនខ្មែរ CAMBODIA WATER សេនាឯកគុនខ្មែរ មកបម្រើទស្សនីយភាពបងប្អូនអ្នកភ្នំពេញដោយផ្ទាល់ ឬ តាមរយៈការផ្សាយផ្ទាល់ពីហ្វេសប៊ុកផេកផ្លូវការ របស់កញ្ចក់ទូរទស្សន៍ CNC ឬ CAMBODIA WATER។

ទី៤, ខេត្តបន្ទាយមានជ័យ៖ ព្រឹត្តិការណ៍ប្រគំតន្រ្តីខ្នាតយក្ស WURKZ TOUR CONCERT នឹងមកបង្កបរិយាកាសសប្បាយដល់បងប្អូននាចុងសប្តាហ៍ឆ្លងឆ្នាំខាងមុខ នៅភូមិផ្សារកណ្តាល សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យចំនួន ២ថ្ងៃ គឺថ្ងៃទី២៩-៣០ ខែធ្នូ ឆ្នាំ២០២៤ រួមជាមួយនឹងព្រឹត្តិការណ៍ប្រដាល់គុនខ្មែរ «សេនាគុនខ្មែរយ័ន្ត ៨ទិស» នៅថ្ងៃទី៣១ ខែធ្នូ ឆ្នាំ២០២៤ ដែលបងប្អូនក៏អាចទស្សនាការផ្សាយផ្ទាល់ លើកញ្ចក់ទូរទស្សន៍ TOWN FULL HDTV និងនៅលើហ្វេកប៊ុកផេកផ្លូវការរបស់ WURKZ។

ទី៥, ខេត្តព្រះសីហនុ៖ EXPREZ TOUR CONCERT ដែលឧបត្ថម្ភធំដោយភេសជ្ជៈ EXPREZ រសជាតិស្ត្រប៊ែរី នឹងនាំមកនូវព្រឹត្តិការណ៍ប្រគំតន្រ្តីទេសចរណ៍ខ្នាតយក្ស មកទីលានតេជោ (ពយតាមូង) ស្ថិតនៅឆ្នេរកន្ទុយនាគ នៃក្រុងព្រះសីហនុ ជាមួយវត្តមានតារាល្បីៗមកពីផលិតកម្ម GALAXY តាមរយៈការផ្សាយផ្ទាល់លើកញ្ចក់ទូរទស្សន៍ CTN និង ហ្វេសប៊ុកផេកផ្លូវការរបស់ EXPREZ CAMBODIA។

ជាពិសេសនោះ នៅថ្ងៃឆ្លងឆ្នាំ ទី៣១ ខែធ្នូ ភេសជ្ជៈ EXPREZ រសជាតិស្ត្រប៊ែរី នឹងរៀបចំកម្មវិធីពិសេស «ដំណើរស្វែងរកកំប៉ុងវេទមន្ត EXPREZ ឈ្នះ ៩៩៩៩ដុល្លារ» អបអរឆ្លងឆ្នាំថ្មី ដែលនឹងផ្តល់សំណាងដល់មហាជន គាស់យកសំណាង ឈ្នះរង្វាន់ធំទឹកប្រាក់ ៩៩៩៩ដុល្លារ, រង្វាន់ទូរស័ព្ទ និងលុយសុទ្ធជាច្រើនរង្វាន់ទៀត។

បងប្អូនអាចចូលរួមទស្សនាផ្ទាល់ដោយសេរី នៅតាមទីតាំងនីមួយៗដូចបានជម្រាបជូនខាងលើ។
គាំទ្រផលិតផលខ្មែរ គាំទ្រ ខ្មែរ ប៊ែវើរីជីស ចូលរួមលើកស្ទួយវិស័យសិល្បៈកម្ពុជា!៕