(វៀតណាម)៖ ការប្រកួតវគ្គផ្តាច់ព្រ័ត្រជើងទី១ នៃពានរង្វាន់ប្រចាំតំបន់អាស៊ីអាគ្នេយ៍ ASEAN Mitsubishi Electric Cup 2024 ក្រោយរយៈពេល ២៧ឆ្នាំ ពេលនេះក្រុមជម្រើសជាតិវៀតណាម បានយកឈ្នះក្រុមជម្រើសជាតិថៃ ២-១ នាំឱ្យក្លាយជាក្តីសង្ឃឹងមួយអាចនាំវៀតណាម ឈានទៅលើកពានប្រសិនបើអាចបន្តរកបានលទ្ធផលឈ្នះ រឺស្មើ នៅជើងទី២ នាទឹកដីគូប្រជែង ។

២គ្រាប់របស់ក្រុមជម្រើសជាតិវៀតណាម ធ្វើបានដោយកីឡាករសញ្ជាតិដើមប្រេស៊ីល Nguyen Xuan Son រកបាន ២គ្រាប់ម្នាក់ឯង ជាលទ្ធផលនាំមុខទៅលើក្រុមថៃ ដែលរកបាន ១គ្រាប់វិញ ដោយកីឡាករChalermsak ដ្បិតនេះជាការរកបានជ័យជម្នះលើកទី៤ របស់វៀតណាម ពីប្រវត្តិជួបគ្នា ៣០ប្រកួតកន្លងមកនេះ ។

សូមរំលឹកផងថា កាលពីឆ្នាំ២០២២ ក្រុមថៃ ដែលជាជើងឯកពាននេះ ៧សម័យកាល បានយកឈ្នះវៀតណាម ៣-២ នៅវគ្គផ្តាច់ព្រ័ត្រ ខណៈក្រុមវៀតណាម ធ្លាប់បានលើកពាននេះ ២លើក មាននៅក្នុងឆ្នាំ២០០៨ ដែលពេលនោះយកឈ្នះក្រុមថៃ សរុបពីរជើង ៣-២ និងឆ្នាំ២០១៨ យកឈ្នះម៉ាឡេស៊ី ។ ខណៈជើងទី២ រវាងវៀតណាម ទល់ក្រុមថៃ នឹងធ្វើឡើងនៅថ្ងៃទី៥ ខែមករា ឆ្នាំ២០២៤នេះ នៅទីក្រុងបាងកក ៕