(ឡុងដ៏)៖ ថ្មីៗនេះ ក្លិបបិសាចក្រហម Manchester United មានរបាយការណ៍ពី Mirror បានឱ្យដឹងថា ក្លិបកំពុងព្យាយាមទាក់ទងនាំយកបុរសសញ្ជាតិស៊ុយអែត Viktor Gyokeres ពីក្លិបព័រទុយហ្គាល់ Sporting ក្នុងទីផ្សារដោះដូរនេះ ជាមួយតម្លៃត្រូវបានស្ថិតក្នុងការដេញថ្លៃប្រមាណ ៨០លានផោន ជាចំនួនដ៏ខ្ពស់មួយ ដ្បិតព័ត៌មាននៅអង់គ្លេស ចាត់ទុកថាជាដំណឹងចចាមអារ៉ាម មិនទាន់ច្បាស់ការនោះទេ ។

រំលឹកផងថា Viktor Gyokeres មានវ័យ ២៦ឆ្នាំជាខ្សែប្រយុទ្ធលេចធ្លោមួយរូបនាពេលនេះ ក្នុងក្លិប Sporting ជាមួយការទម្រង់លេងរកបានគ្រាប់ស៊ុតបញ្ចូលទីបានចំនួន ៧០គ្រាប់ពីការលេង ៧៧ប្រកួតនៅគ្រប់កម្មវិធីរបស់ក្លិប ជាអតីតកូនសិស្សរបស់គ្រូថ្មី Man United លោក Ruben Amorim ដែលកំពុងជួបភាពពិបាកនៅក្លិបថ្មីនេះ ៕