(ឡុងដ៏)៖ អ្នកចាត់ការក្រុមតោខៀវ Chelsea FC លោក Enzo Maresca បាននិយាយកាលពីថ្ងៃសុក្រថា ចំពោះខ្សែការពារ Wesley Fofana អាចនឹងសម្រាកពេញនៅពេលវេលាសេសសល់នៃរដូវកាលនេះ ដោយសារតែរបួសសរសៃពួរ ខណៈមិនច្បាស់ពីពេលវេលាក្នុងការជាសះស្បើយពីនៅឡើយនោះទេ ។

Fofana បានឆ្លងកាត់ស្ថានភាពពិបាកក្នុងបញ្ហារបួសនេះ និងបានខកខានការលេងពេញមួយរដូវកាល២០២៣-២៤ ដោយសាការវះកាត់សរសៃមុនរដូវកាល ដ្បិតបានចាប់ផ្តើមរដូវកាលថ្មីយ៉ាងខ្លាំងវិញ នាមជាកីឡាករខ្សែការពារសំខាន់មួយរូបរបស់លោក Maresca ។

កីឡាករវ័យ ២៤ឆ្នាំរូបនេះ បានចាប់ផ្តើមនៅគ្រប់ការប្រកួតដែលរូបគេទទួលបាននៅជម្រើសប្រកួត មុនពេលជួបបញ្ហារបួសពេលលេងទល់ក្រុម Aston Villa កាលពីខែធ្នូ ឆ្នាំ២០២៤ ខណៈកីឡាករ Benoit Badiashile ក៏ត្រូវអវត្តមានផងដែរ។

រំលឹកផងថា Wesley Fofana ជាសមាជិកខ្សែការពារត្រូវបាន Chelsea នាំមកក្នុងតម្លៃខ្ពស់មួយប្រមាណ ៧០លានផោន ពីក្លិប Leicester City កាលឆ្នាំ២០២២ និងរកបាន ២គ្រាប់ផងដែរ ក្នុងនាមជាខ្សែការពារ ទើបលេងបាន ១២ប្រកួតប៉ុណ្ណោះក្នុងរដូវកាលនេះ ៕