(ឡុងដ៏)៖ ក្លិប Ipswich Town បានយល់ព្រមលើកិច្ចព្រមព្រៀងតម្លៃ ២០លានផោន ដើម្បីចុះហត្ថលេខាលើខ្សែបម្រើស្លាប Jaden Philogene របស់ក្លិប Aston Villa បន្ទាប់ពីកីឡាកររូបនេះបានផ្ទេរមកកាន់ទឹកដី Villa Park បានត្រឹម ៦ខែប៉ុណ្ណោះ ពីក្លិប Hull City ។

Jaden Philogene មានវ័យ ២២ឆ្នាំ ធ្លាប់ជាគោលដៅរបស់ក្លិប Ipswich Town ដែលបានព្រមព្រៀងជាមួយ Hull City ក្នុងតម្លៃ ១៨លានផោនកាលពីរដូវកាលក្តៅមុន តែត្រូវបានក្លិប Aston Villa យកបានវិញ ដែលពេលនោះ Hull City ទទួលបានប្រហែល១៣.៥លានផោន ពីព្រោះតែកីឡាកររូបនេះបានស្ថិតក្នុងលក្ខខណ្ឌ ៣០ភាគរយក្នុងកិច្ចសន្យាទិញលក់កាលឆ្នាំ២០២៣ ។

ការចូលរួមក្រោមការដឹកនាំរបស់លោក Unai Emery ខ្សែបម្រើស្លាបសញ្ជាតិអង់គ្លេស Jaden Philogene បង្ហាញខ្លួនបាន ១៥ប្រកួតគ្រប់កម្មវិធីក្លិប និងមានការលេងទល់ក្លិប Bayer Munich ក្នុងពានរង្វាន់ UEFA Champions League ផងដែរ ៕