(អេស្ប៉ាញ)៖ ក្រុមអ្នកមានបុណ្យ FC Barcelona ពេលនេះក្លាយជាម្ចាស់ជើងឯកពានរង្វាន់បើករដូវកាល Spanish Super Cup 2025 ក្រោយពីបានវាយបកបំបាក់ក្រុម Real Madrid ៥-២ យ៉ាងចាស់ដៃ លើទឹកដីអារ៉ាប៊ីសាអូឌីត ធ្វើឱ្យក្រុមនេះឈានដល់ការដណ្តើមបានពាននេះកើនចំនួន ១៥លើកច្រើនជាងគេ។

៥គ្រាប់របស់ក្រុមដឹកនាំដោយលោក Hansi Flik ធ្វើបានការវាយបកដោយកីឡាករវ័យក្មេង Lamine Yamal និងរាមច្បង Lewandowski, Raphinha រកបាន ២គ្រាប់ម្នាក់ឯង និងកីឡាករវ័យក្មេង Alehandro Balde ខណៈក្រុមលោក Carlo Ancelotti រកបានតែ ២គ្រាប់ពីការបើកឆាកនាំមុខនៅនាទី៥ ធ្វើបានដោយកីឡាករ Mbappe និងនៅនាទី៦០ រកបានដោយ Rodrygo ដ្បិតការចាញ់នេះធ្វើឱ្យក្រុមអធិរាជសនៅតែស្គាល់ពាននេះចំនួន ១៣លើកដដែល ៕