(ឡុងដ៏)៖ ក្រុមការពារតំណែងជើងឯកពាន FA Cup រដូវកាលមុន Manchester United ពេលនេះបានបន្តឈានដល់ជុំទី៤ ក្រោយពីបានប្រកួតយ៉ាងស្វិតស្វាញយកឈ្នះក្រុម Arsenal ដោយការស៊ុតបាល់ ១១ម៉ែត្រកាត់សេចក្តីយកបានលទ្ធផល ៥-៣ ក្នុងជុំទី៣ ក្រោយលេងពេញម៉ោងស្មើគ្នា ១-១ នារដូវកាលនេះ។

រំលឹកផងថា សម្រាប់ប្រកួតប្រជែងដណ្តើមពានរង្វាន់ស្ថាប័នគ្រប់គ្រងបាល់ទាត់អង់គ្លេស ដែលមានអាយុកាល ១៥៤ឆ្នាំនេះ ក្រុម Manchester United ជាក្រុមឈ្នះពាននេះច្រើនជាងគេទី២ ចំនួន ១៣លើក ខណៈក្រុមកាំភ្លើងធំ Arsenal យកបាន ១៤លើកច្រើនជាងគេ។

សម្រាប់ជុំទី៤ ក្រុមដឹកនាំដោយលោក Ruben Amorim ត្រូវប៉ះក្រុម Leicester City នៅថ្ងៃទី០៨ ខែកុម្ភៈខាងមុខនេះ៕