(ប៉ារីស)៖ ក្រុម Paris Sanit Germain ពេលនេះបានឈានទៅដល់វគ្គ ១៦ក្រុមពានរង្វាន់ France Cup រដូវកាលនេះ ក្រោយពីបានវាយបកយកឈ្នះក្រុមមកពីលីគលំដាប់ទី៥ FC Espaly ៤-២ ពីប្រកួតក្នុងវគ្គ ៣២ក្រុម ដ្បិត PSG ជាក្រុមការពារតំណែងជើងឯករដូវកាលមុនផងដែរ ។

រំលឹកផងថា សម្រាប់ការប្រកួតប្រជែងដណ្តើមពានរង្វា់ន់ France Cup នេះដែរ ក្រុម Paris Sanit Germain ជាក្រុមធ្លាប់ឈ្នះពាននេះបានចំនួន ១៥លើកច្រើនជាងគេ សម្រាប់កម្មវិធីប្រកួតដែលមានអាយុកាល ១០៨ឆ្នាំនៃក្របខណ្ឌបាល់ទាត់របស់បារាំងមួយនេះ ។

សូមជម្រាបផងថា សម្រាប់ការប្រកួតវគ្គ ១៦ក្រុម នៃពានរង្វាន់ France Cup 2024-25 នឹងចាប់ផ្តើមនៅខែកុម្ភៈខាងមុខនេះ ខណៈក្រុម PSG ការប្រកួតក្នុងលីគ Ligue 1 ក្រុមដឹកនាំដោយលោក Luis Enrique កំពុងនាំមុខគូប្រជែងដាច់ ៧ពិន្ទុបណ្តោះអាសន្ន ។

ដ្បិត PSG ក៏ត្រូវស្វែងរកកៅអីឈានទៅជុំបន្ទាប់នៃពាន Champions League 2024-25 ពីការជួយក្រុម Manchester City នៃជំនួបទី៧ ក្នុងវគ្គ ៣៦ក្រុមនៅសប្តាហ៍ក្រោយ ៕