(បរទេស)៖ កីឡាករស្នូកឃ័រ Kyren Wilson ម្ចាស់ពានជើងឯកពិភពលោក ឆ្នាំ២០២៤ បានឆ្លងចូលវគ្គ ៨នាក់ចុងក្រោយនៃកម្មវិធី Masters 2025 ក្រោយយកឈ្នះ Zhang Anda របស់ចិន ៦-៤ នៅទីលាន Alexandra Palace នៅរាត្រីថ្ងៃពុធ។

លោកនឹងត្រូវប្រឈមមុខនឹងគូប្រជែង Luca Brecel ដែលបានទម្លាក់ Chris Wakelin ៦-៣ ពីក្នុងវគ្គ ១៦នាក់ចុងក្រោយកាលពីរសៀលថ្ងៃពុធ ទី១៥ ខែមករា ឆ្នាំ២០២៥ មកដែរ។

នៅចាំបានថា Wilson បានចាញ់វគ្គផ្តាច់ព្រ័ត្រនៅពាន Masters នេះកាលឆ្នាំ២០១៨ បានបើកការនាំមុខ ៣-១ មុនពេលត្រូវបាន Zhang វាយបកតាមស្មើវិញក្នុងពិន្ទុឈ្នះ ៦៥ និង ៨៣ និងបន្តស្មើគ្នាទៀតក្នុងលទ្ធផលបណ្តោះអាសន្ន ៤-៤។

តែយ៉ាងណា កីឡាករអង់គ្លេស Kyren Wilson ទទួលជ័យជម្នះសម្រាប់សិតទី៩ និងទី១០ ក្នុងការឈានទៅកាន់វគ្គ ៨នាក់តែម្តង ផ្តល់ការខកចិត្តជាលើកទី២ ទៀតដល់ Zhang ដែលបានចូលរួម Masters ត្រឹមលើកទី២ និងហាលអាវពីជុំទី១ ដូចគ្នា៕